Հայաստանի բռնցքամարտի ֆեդերացիան ոսկե մեդալով է պարգևատրել WBA վարկածով աշխարհի չեմպիոն Արսեն Գուլամիրյանին: Այս մասին հաղորդում է ՀԲՖ մամուլի ծառայությունը։
Նշվում է, որ պարգևը հանձնել է ֆեդերացիայի փոխնախագահ Սամվել Գասպարյանը:
«Հունվարին 9-ին աշխարհի չեմպիոնը այցելել է Վլադիմիր Ենգիբարյանի անվան բռնցքամարտի մարզադպրոց՝ հանդիպել մարզադպրոցի տնօրենի, ֆեդերացիայի ներկայացուցիչների և բռնցքամարտիկների հետ:
Արսեն Գուլամիրյանը նաև մաստեր կլաս է անցկացրել: Աշխարհի չեմպիոնը նշել է, որ մշտապես կապը պահում է ինչպես Հայաստանի, այնպես էլ արտասահմանում ապրող հայ բռնցքամարտիկների հետ»,- ասված է հաղորդագրության մեջ:
