Հայաստանի շախմատի կանանց և տղամարդկանց 2023 թվականի առաջնություններին կմասնակցեն 10-ական շախմատիստներ:
«Արմենպրես»-ի հաղորդմամբ` խաղերը տեղի են ունենալու ամեն օր՝ առանց հանգստյան օրերի․ պարտիաների սկիզբը ժամը 15։00-ին է: Մրցաշարերը կկայանան Տիգրան Պետրոսյանի անվան շախմատի տուն-մարզադպրոցում։
Տղամարդկանց առաջնությանը կմասնակցեն` Մանուէլ Պետրոսյանը, Արամ Հակոբյանը, Սամվել Տեր-Սահակյանը, Ռոբերտ Հովհաննիսյանը, Զավեն Անդրիասյանը, Տիգրան Պետրոսյանը, Մամիկոն Ղարիբյանը, Արմեն Բարսեղյանը, Սարգիս Սարգսյանը:
Իսկ կանանց չեմպիոնի կոչման համար կմրցեն` Մարիա Գևորգյանը, Սուսաննա Գաբոյանը, Աստղիկ Հակոբյանը, Աննա Խաչատրյանը, Վերոնիկա Խաչատրյանը, Նարինե Գասպարյանը, Արփինե Գրիգորյանը, Ասյա Եդիգարյանը, Պոլինա Կոբակը, Նվարդ Հայրապետյանը:
Հաղթողները կհամալրեն Հայաստանի հավաքականի կազմը` 2023 թվականին սպասվող առաջնություններում:
