ՄԱՀՀԻ ղեկավար Ստյոպա Սաֆարյանը ֆեյսբուքյան իր էջում գրել է.
Երբ Պուտին-Փաշինյան-Ալիև եռակողմ հայտարարությունը ստորագրվեց, գոն այն մինչև վերջ կարդացողները քանիսն են եղել? Վստահ եմ’ քչերը, ինչպես նոյեմբերի 9-ի հայտարարության դեպքում։
Սոչիի հայտարարության նախավերջին պարբերությունը այն մասին է, որ ռուսական նախաձեռնության ներքո «ընթանալիք խաղաղության բանակցությունները» մի քանի մակարդակ են ունենալու’ 1) երկրների ղեկավարներ-ԱԳ նախարարներ, 2) Ադրբեջանի ու Հայաստանի խորհրդարանների պատգամավորներ, 3) կրոնական առաջնորդներ, 4) փորձագետներ։
Մոսկվան կարող է ձեռքերը լվանալ 1, 2, 4 մակարդակներում սեփական կադրերին առաջ մղելու առումով. 1-ին մակարդակները այնքան էլ Մոսկվայի սրտով չեն, 2-րդի համար Հայաստանի ու Ադրբեջանի իշխանություններն իրենք կորոշեն, թե ովքեր են «հաշտեցվող» պատգամավորները, նույնը’ փորձագետների համար, իհարկե երկու դեպքում էլ պատվիրակության կազմում ընդգրկելով Մոսկվայի համար ցանկալի ու չգրգռող կադրեր, և միակը, որի վրա վրա հույս է դրել Մոսկվան, հոգևոր առաջնորդների մակարդակն է։ Ահա թե ինչու Պուտինը Սոչիից հետո անցած տարեվերջին պարգևատրեց Հայոց վեհափառին, իսկ այսօր էլ վերջինիս հրավիրել են Ռուսաստանի դեսպանություն…. Առաջիկայում սպասենք Ադրբեջանի, Հայաստանի ու Ռուսաստանի կրոնական առաջնորդների հանդիպմանը, մանավանդ որ Արարատ Միրզոյանը «տապալեց» Լավրովը նախարարական հանդիպումը, որի պատճառով «անօրակարգ» դարձավ Սանկտ Պետերբուրգի նախագահականը… Այսպիսի տապալումներից հետո Մոսկվայի հույսը կրոնապետերն են, իսկ Պուտինը Գարեգին Բ-ին ճանաչել է միակ «յուրայինը», իսկ վերջինս էլ հանուն այդ ստատուսի ու հավաստիացման հրաժարվեց Համահայկական գլոբալ գագաթաժողովում «միաբանվել» Հայաստանի իշխանությունների հետ, ընգծելով իր ու նրանց «օտար» լինելու հանգամանքը…
Երբ տեքստերը լավ կարդաք, շատ բան բացատրելի ու ծրագրավորված է….
