ՀՀ վարչապետ Նիկոլ Փաշինյանի ասուլիսի հիմնական ուղերձն այն էր, որ մեզնից փորձում են օտարել Արցախն ու մեր անկախությունը: «Առաջին լրատվական»-ի հետ զրույցում նշեց Գլոբալիզացիայի և տարածաշրջանային համագործակցության վերլուծական կենտրոնի նախագահ Ստեփան Գրիգորյանը:
Քաղաքագետը ՀԱՊԿ զորավարժությունները չեղարկելու որոշումը ճիշտ է համարում:
Գրիգորյանը կարծում է, որ Ռուսաստանը ուզում է, որ Հայաստանը դիմի ՄԱԿ ԱԽ, որ լեգիտիմացնի ռուս խաղապահների ներկայությունը Արցախում. «Նույնիսկ եթե մենք դիմենք ՄԱԿ ԱԽ ու մեզ չմերժեին, անպատկերացնելի է, թե ինչ կլիներ: Ռուսները Բերձորը հանձնեցին մեկ տարի շուտ, ինչու պետք է ուժեղացնել նրանց մանդատը: Հայաստանը «աբառոտկա» արեց` Մոսկվա, եթե դու ուզում ես, ինքդ դիմի ՄԱԿ ԱԽ»:
