Վերջին 4 օրերին (հունվարի 5-9) Հայաստանում արձանագրվել է ճանապարհատրանսպորտային 47 պատահար. 9 մարդ զոհվել է, 76-ը՝ ստացել տարբեր աստիճանի մարմնական վնասվածքներ:: Թեմայի շուրջ «Առաջին լրատվական»-ը զրուցել է «Վարորդի ընկեր» ՀԿ ղեկավար Տիգրան Քեյանի հետ:
Քեյանը նշեց, որ ՃՏՊ-ների թիվը տարեցտարի աճում է․Ոչինչ չի արվում վիճակը մեղմելու համար․ «Մահվան ելքով վթարները հիմնականում միջպետական ճանապարհներին են: Միջպետական ճանապարհներին պետք է շրջիկ երթևեկություն իրականացվի: Պարեկները միջպետական ճանապարհներին պետք է շրջիկ երթևեկություն իրականացնեն, կանխեն դժբախտ պատահարները: Վարորդական վկայականների տրամադրման կարգը պետք է խստացվի․ դպրոցից երեխաներին պետք է կրթել երթևեկության կանոններով»:
