Չինական Galactic Energy մասնավոր օդատիեզերական ընկերության «Ցերերա-1» կրող հրթիռը հաջողությամբ շուրջերկրյա ուղեծիր Է դուրս բերել հինգ արբանյակ տարբեր նպատակների համար: Այս մասին հաղորդում է «Интерфакс» գործակալությանը:
Հրթիռն արձակվել է Գոբի անապատում գտնվող Ցզյուցյուան տիեզերակայանից Պեկինի ժամանակով 13:04-ին (Երևանի ժամանակով 09:04-ին): Ուղեծիր են ուղարկվել SciTech-1 հեռավար զոնդավորման արբանյակը, «Տյանմու-1» օդերևութաբանական արբանյակների ուղեծրային խմբավորման երկու ապարատ, Նանտուն քաղաքի միջնակարգ դպրոցի արբանյակը՝ սովորողների շրջանում օդագնացությունը մասսայականացնելու համար, ինչպես նաև «Տյանցի-13»-ը՝ ամբողջ աշխարհում, այդ թվում՝ դժվար հասանելի շրջաններում տվյալներ փոխանցելու համար:
Սա դարձել Է ընկերության հինգերորդ անընդմեջ հաջող արձակումը, ինչը ռեկորդային է Չինաստանի մասնավոր օդատիեզերական ձեռնարկությունների համար: Galactic Energy ընկերության տվյալներով՝ ընթացիկ տարում նախատեսվում է իրականացնել այս շարքի, ընդհանուր առմամբ, 8-10 հրթիռային արձակում։
«Ցերերա-1» քառաստիճան գերթեթև դասի հրթիռն ի վիճակի է մինչև 350 կգ դուրս բերելցածր շուրջերկրյա ուղեծիր և մինչև 230 կգ՝ արեգակնային-սինքրոն ուղեծիր՝ մինչև 700 կմ բարձրությամբ: Հրթիռի առաջին արձակումը տեղի է ունեցել 2020 թվականի նոյեմբերի 7-ին Ցզյուցյուան տիեզերակայանից։ Այն ժամանակ «Ցերերա-1»-ն արեգակնային-սինքրոն ուղեծիր Էր դուրս բերել «Տյանցի-11» կապի արբանյակը, որը նախատեսված է ինտերնետ հաղորդակցությունն ապահովելու համար։