Փոքրամարմին, ճտպտան, իսկ մասնագիտությամբ հաշվապահ Արմինե Մելիքյանն ունի իր փոքրիկ բիզնեսը, զբաղվում է ձեռագործ խաղալիքների՝ «Բու-Բի թոյս»-ի արտադրությամբ։
«Կյանքը՝ երկրորդ փորձից» հաղորդման շրջանակներում Արմինեն պատմեց, որ վերջին երկու տարիների ընթացքում է, որ կարողանում է ազատ խոսել իր հաշմանդամության մասին։ Նա պատմում է, որ բարդ ճանապարհ է անցել, դպրոցական տարիքում է, որ սկսել է հասկանալ, որ տարբերվում է իր հասակակիցներից։ Ծնողներին հարցեր չի տվել, ասում է՝ առաջինը ինքն իրեն է հարցրել՝ ինչու՞ այսպես, ի՞նչ անի, որ իրավիճակը փոխի։ Անկեղծանում է, որ նույնիսկ համացանցով փնտրել է մեթոդներ՝ ինչպես հասակը մի փոքր բարձրացնի.«Մտածում էի նույնիսկ ինչ-որ դեղ խմել, որ հասակս մի փոքր բարձրանա, հետո վիրահատության մասին էի մտածում»։
Ավելի ուշ Արմինեն ուսումնասիրել է այլ մարդկանց նմանատիպ պատմությունները, հասկացել, որ միայն ինքը չի այսպիսին։Այժմ Արմինեն ընդունում է իրեն այնպիսին, ինչպիսին կա, նույնը խորհուրդ է տալիս՝ իր խնդիրն ունեցող այլ քաղաքացիներին։
