ԱՄՆ-ում մի խումբ մարդիկ դատի են տվել Microsoft ընկերությանն այն բանի համար, որ Windows Phone 7 օպերացիոն համակարգը իմանում է օգտատերերի գտնվելու վայրը: Դատական փաստաթղթերում ասվում է, որ ընկերությունն իր օպերացիոն համակարգն այնպես է ստեղծել, որ դրանից օգտվողների գտնվելու վայրը հնարավոր է իմանալ նույնիսկ այն դեպքում, երբ օգտատերն անջատում է համապատասխան ֆունկցիան:
Դատական հայցը հիմնված է Սեմի Քամկարի հետազոտության հիման վրա, ըստ որի` բջջային այն համակարգերը, որոնք տեսախցիկ ունեն, Microsoft են ուղարկում սեփականատիրոջ գտնվելու վայրի մասին տվյալներ:
Ըստ նրա` Windows Mobile-ը նման տեղեկություն է հաղորդում` առանց սեփականատիրոջ կարծիքը հաշվի առնելու:
Ինչպես հաղորդում է SecurityLab-ը, Microsoft-ը դեռ պաշտոնապես չի արձագանքել այս բողոքին: