Հայաստանը չի կարող ռազմական ինտերվացիա անել և Լաչինի միջանցքը բացել: «Առաջին լրատվական»-ի հետ զրույցում նշեց ՔԺԿ անդամ Հայկ Սուքիասյանը:
Ըստ Սուքիասյանի՝ եթե Հայաստանը ուժով բացի միջանցքը, կենդանի դուրս չի գա․ «Արցախի պետնախարարը ունի փափուկ ուժի շատ մեծ գործիչ, SOS-ով կարող է դիմել աշխարհին: Լաչինի միջանցքը բացելու համար պետք է կարողանանք տեղեկատվական-հոգեբանական գրոհ կազմակերպել: Այս շրջափակումը միայն Արցախի դեմ չէ, նպատակը Հայաստանին ծնկի բերելն է: Պետք է դիմանանք, էվոլյուցիոն ճանապարհով պոկվենք ռուս-թուրքական տանդեմից: Ռուսաստանն ու Ադրբեջանը ամեն տեղ տապալելու են ցանկացած գործընթաց: Պուտինի նման գիշատիչը հոշոտելու քաղաքականություն է իրականացնում, Արցախի դեմ գործիքը Ադրբեջանն է»:
Անդրադառնալով Հայաստանում ՀԱՊԿ զորավարժությունների հնարավոր անցկացմանը, Սուքիասյանը նշեց, որ եթե ՀԱՊԿ զորավարժությունները Հայաստանում անցկացվեն, Հայաստանը կխորտակվի․ «ՀԱՊԿ զորվարաժությունների անցկացման մասին լուրը Հայաստանի իմիջը փչացնելու տեղեկատվական գրոհ է: Հայաստանը ՀԱՊԿ-ին պետք է հարցեր ուղղի՝ որ տարածքում է ուզում անցկացնել զորավարժությունները: Եթե ՀՀ իշխանությունները թույլ տան ՀԱՊԿ զորավարժությունները Հայաստանում, մեծ պատասխանատվության տակ կմտնեն: ՀԱՊԿ-ի ոտքը չպետք է մտնի Հայաստան, այլապես Հայաստանը դասվելու է մոնղոլ-թաթարական պետությունների շարքում: ՀԱՊԿ-ի ոտքը չպետք է Հայաստան մտնի, հակառակ պարագայում իշխանությունը պատասխանատվութան կենթարկվի»: