Ռազմաքաղաքական հարցերով փորձագետ Հրաչյա Արզումանյանը ՀՀ ԱԳՆ հայտարարությունը մտահոգիչ է համարում. ԱԳՆ հայտարարությունը չպետք է լինի միայն դեկլարատիվ: Միջանցքի հարցը տարածաշրջանային և աշխարհաքաղաքական խնդիր է: Հերիք է խոսել հումանիտար խնդիրների մասին: Մտահոգիչ է, որ ԱԳՆ-ն խոսում է միայն հումանիտար խնդիրների մասին, քաղաքական հարցը չի հնչեցվում: Պետք է ճիշտ ձևակերպել խնդիրները: Հումանիտար հարցը քաղաքականի հետևանքն է»:
Փորձագետի խոսքով` այն, ինչ կատարվում է Արցախում և Արցախի շուրջ սրված իրավիճակի շարունակությունն է. «Մենք հասել ենք մի խաչմերուկին, որտեղ պետք է ընտրություն կատարենք: Մենք իրավունք չունենք լուծումները հետաձգել: Լուծումների պատուհանը շատ նեղ է, պետք է ընտրություն կատարենք: Հայաստանը պետք է նվազեցնի իր կապերը ՌԴ-ի հետ: Ռուսաստանը սահմանափակում է Հայաստանի ռազմական հնարավորությունները: Հայաստանին սպասվում են որոշումներ և դրանից բխող քայլեր»: