Տնտեսագետ, ՀՀ ֆինանսների նախկին նախարար Լևոն Բարխուդարյանի բնութագրմամբ՝ տնտեսական բարձր ցուցանիշները ուրախացնող են․ «Սպասում ենք, որ ՀՆԱ-ի աճը կլինի 11 տոկոս: 90 հազար ոչ ռեզիդենտ հաշիվ է բացվել․ ենթադրվում է՝ 140-150 հազար մարդ եկել և հաստատվել են Հայաստանում: Յուրաքանչյուր ոչ ռեզիդենտի դեպքում և նաև տրանսֆերտների դեպքում ստացվում է 400 միլիարդ դրամի լրացուցիչ ՀՆԱ է ստեղծել: Եթե Հայաստան եկածները մնան, 2023-ին 7 տոկոս տնտեսական աճի մեջ սա կլինի լրացուցիչ գործոն»:
Ըստ Բարխուդարյանի՝ Լաչինի միջանցքի շուրջ զարգացումները եթե շարունակվեն, մեծ ներդրումներ չեն լինի․ «Քաղաքական անկայունությունը և չհանգուցալուծված կոնֆլիկտը իր կնիքն է դնում տնտեսության վրա: Կապիտալ ծախսերը կառավարությունը շատ դանդաղ է անում: Բյուջեն անհրաժեշտ է պահպանողական սցենարով պլանավորել»:
