«Առաջին լրատվական»-ը Երևանի փողոցներում քաղաքացիներից հետաքրքրվեց, թե Ամանորը որքան է նստել իրենց ընտանիքի բյուջեի վրա:
«Դեր արդեն մի 100 հազար դրամի գնումներ արել ենք, մնացածն էլ դեռ կա. դրսից եկամուտ չունենք, բավարարվում ենք եղածով»,-ասաց երևանցիներից մեկը:
Ռուսաստանից եկած մի քաղաքացի էլ նշեց. «Ամեն ինչ չափվում է ոչ թե փողով, այլ զգացմունքով. Ամեն ինչ կախված է նրանից, թե որքանով դու կարող ես ըմբռնել տոնի խորհուրդը: Փողն ինքն իրեն գալիս է նման տոն օրերին, կապ չունի, թե որքան կարժենա, կարևոր է, թե ինչպես կանցկացնենք տոնը: Տոնելու եմ հրաշալի, սիրելիիս հետ»:
Երևանցիներից մեկի խոսքով, միայն Ամանորի պատրաստությունը արժեցել է մոտ 300 հազար դրամ՝ առանց նվերների:
«Ես չեմ կարող ծախսի մասին ասել, կինս է հաշվում: Բայց դրսից օգնող ունենք՝ Կանադայից էլ, Ռուսաստանից էլ»,-ասաց երևանցիներից մեկը:
Մեկ ուրիշն էլ նշեց, որ միայն ամանորյա սեղանի ծախսերը 150 հազար է, իսկ նվերներով զբաղվել է կինը:
