Ուկրաինական նավահանգիստներից դեկտեմբերի 20-ից 29-ն ընկած ժամանակահատվածում դուրս է եկել գրեթե 1,6 մլն տոննա պարենով բեռնված 41 նավ: Այդ մասին տեղեկանում Է «Интерфакс» գործակալությունից:
«Դեկտեմբերի 20-ից մինչև 28-ն ընկած ժամանակահատվածում 38 նավ դուրս է եկելուկրաինական նավահանգիստներից. դրանք ընդհանուր առմամբ տեղափոխել են 1 552 879 տոննա հացահատիկ և այլ պարենամթերք՝ Սևծովյան հացահատիկային նախաձեռնության շրջանակներում», – ասվում է Համատեղ համակարգման կենտրոնի հաղորդագրության մեջ։ Նշվում է, որ դեկտեմբերի 29-ին ուկրաինական նավահանգիստներից դուրս Է եկել 3 չորաբեռնատար նավ՝ 42 070 տոննա պարենով։
Երկու նավ՝ New Victory-ն (23 500 տոննա գարի) և Panjali Teymurov-ը (3300 տոննա բուսական յուղ և 2970 տոննա սոյայի յուղ), ուղևորվում են Թունիս։ Aileen չորաբեռնատար նավը Մարոկկո կհասցնի 12 300 տոննա արևածաղկի քուսպ։
«Դեկտեմբերի 29-ի դրությամբ ուկրաինական երեք նավահանգիստներից արտահանված հացահատիկի և գյուղատնտեսական այլ ապրանքների ընդհանուր ծավալը կազմում է 15 959 660 տոննա», – հայտնել են Համատեղ համակարգման կենտրոնում։ Իր հերթին «Укринформ» գործակալությունը տեղեկացնում Է, որ 25 հազար տոննա ուկրաինական ցորեն է տեղափոխվել Սոմալի՝ սովամահության եզրին գտնվող աֆրիկացիներին Ուկրաինայի օգնության շրջանակներում։ Այս մասին Twitter-ում հայտնել է Ուկրաինայի նախագահի աշխատակազմի ղեկավար Անդրեյ Երմակը։
«Grain from Ukraine ծրագրի շրջանակներում Neva նավը 25 հազար տոննա ուկրաինական ցորեն է հասցրել Սոմալիի Բերբերա նավահանգիստ: Սա «Պարենի համաշխարհային ծրագրի» հետ համագործակցությամբ Ուկրաինայի օգնությունն է Աֆրիկայի բնակիչներին, որոնք սովի են մատնվում։ Լոգիստիկ ծախսերը հոգացել են Ֆինլանդիան, Ֆրանսիան և Ճապոնիան», – նշել Է Երմակը։
