Հարգարժան լրագրող Թաթուլ Հակոբյանի ոչ բոլոր տեսակետների հետ եմ համաձայն, նրա քաղաքական հայացքները, պատկերացումները , հակամարտության կարգավորման վերաբերյալ մոտեցումները համարում եմ խիստ պարտվողական և շատ դեպքերում անընդունելի, բայց որևէ մեկն իրավունք չունի լրագրողին, այն էլ Թաթուլ Հակոբյանի նման պրոֆեսիոնալին, սպառնալ՝ նրա համոզումների և պրոֆեսիոնալ գործունեության համար:
Դատապարտում եմ Թաթուլ Հակոբյանի վերաբերյալ Սամվել Բաբայանի հնչեցրած հրապարակային մահվան սպառնալիք պարունակող արտահայտությունները:
Մեծագույն խնդիր եմ համարում փաստը, որ այդ հայտարարությունը արվել է արևմտյան ֆինանսական աջակցությամբ գործող «Սիվիլնեթ» լրատվական կայքի եթերում:
Ինձ համար պարզ է, թե ովքեր են կանգնած լրատվամիջոցի ետևում, շատ լավ պատկերացնում եմ այն զույգին ում թողտվությամբ և գուցե անմիջական հանձնարարությամբ այս սանձարձակ ու ամենաթող հայտարարությունը տեղ է գտել հարցազրույցի ձայնագրված/ մոնտաժված տարբերակում:
Չեմ ակնկալում, որ Վարդան Օսկանյանը կամ Սալբի Ղազարյանը ներողություն կխնդրեն տեղի ունեցածի կապակցությամբ, բայց շատ մեծ հույս ունեմ, որ ընկերության հայաստանյան ներկայացուցիչները հրապարակավ կզղջան կատարվածի համար:
Արման Բաբաջանյան
Հանուն Հանրապետության կուսակցության նախագահ
29.12.2022թ.
