Ադրբեջանի արտգործնախարար Ջեյհուն Բայրամովը հայտարարել է, որ Բաքուն երբեք որևէ շփում չի ունենա Արցախի պետնախարար Ռուբեն Վարդանյանի հետ: Նման հայտարարություն նա արել է տարեվերջյան ամփոփիչ մամուլի ասուլիսում: «Եթե բարձրաձայնվեն Ղարաբաղի էթնիկ հայերի անունները, որոնք շփման մեջ են մտել Ադրբեջանի հետ, ապա նրանց վրա, հնարավոր է, ճնշում գործադրվի հակառակ կողմից: Ղարաբաղի էթնիկ հայերի հետ շփումներ եղել են, սակայն նրանց անունները չեն բաձրաձայնվում: Տեղի բնակչության հետ շփումներ կլինեն նաև հետագայում, և մենք դա բնական ենք համարում»,- ասել է նա:
Մինչդեռ Արցախի Հանրապետության Անվտանգության խորհրդի քարտուղար Վիտալի Բալասանյանը որպես Արցախում տեղակայված ՌԴ խաղաղապահ զորակազմի հետ համագործակցության հարցերը համակարգող դեկտեմբերի 7-ին ՌԴ խաղաղապահ զորակազմի մշտական տեղակայման վայրում անցկացված հանդիպմանը մասնակցել է: Ինչու, ի՞նչն է տարբերությունը Վիտալի Բալասանյանի և Ռուբեն Վարդանյանի միջև։ Ի՞նչ էր հաջողվում պայմանավորվել Վիտալի Բալասանյանի հետ, որ չի հաջողվում Վարդանյանի հետ պայմանավորվել։
Քաղաքագետ, ՔԺԿ առաջնորդ Լևոն Շիրինյանը «Առաջին լրատվական»-ի հետ զրույցում նշեց, որ թուրքը անասնական առողջ բնազդ ունի. «Նա գիտի, որ եթե Ռուբեն Վարդանյանին ընդունում է, ինքն ուղիղ Պուտինի հետ գործ ունի, ոչ թե միջնորդավորված։ Եվ այն ստորությունները, ինչ անում է Արայիկ Հարությունյանի հետ, նրա հետ չեն կարող լինել։ Եթե ընդունեն Վարդանյանին, նշանակում է, որ ուղիղ կառավարվում է Պուտինի կողմից, Հայհոյել Ռուբեն Վարդանյանին, նշանակում է ուղիղ թքել Պուտինի ճակատին։ Այդ իմաստով Պուտինը Ալիևին կառավարում է։ Ակնհայտ է, որ Պուտինն ուղիղ կառավարում է Ադրնբեջանը Ալիևի ձեռքով, Արցախը՝ Ռուբեն Վարդանյանի ձեռքով։ Ստացվում է, որ երկուսն էլ Պուտինն է կառավարում, և եթե բախվում են, երկուսն էլ բախվում են Պուտինի հետ»,-ասաց Շիրինյանը:
Ինչ վեաբերում է Վիտալի Բալասանյանին, քաղաքագետը նկատեց. «Ռոբերտ Քոչարյանը, Վիտալի Բալասանյանը այլևս օգտագործված և շպրտվածներն են: Ռուսաստանը իրեն քծնող հայերին օգտագործում է մինչև վերջ, հետո շպրտում է մի կողմ։ Սա նշանակում է, որ հայկական հարցով Պուտինի խաղը մտնում է նոր ցիկլի մեջ։ Այո, Ռոբերտ Քոչարյանը և Վիտալի Բալասանյանը քաղաքական իմաստով բռնաբարված են, նրանց արդեն շպրտել են մի կողմ։ Հայաստանի իշխանության տապալումը հանուն գողապետության չստացվեց նրանց մոտ»:
Հարցին,թ ե Ռուբեն Վարդանյանը կմնա՞ որպես խաղացող, գործոն կլինի՞ Ռուսաստանի համար, Լևոն Շիրյնյանը պատասխանեց. «Առայժմ կմնա, բայց երկար չի կարող մնալ, քանի-որ հայ ժողովուրդը իր անկախությունից չի հրաժարվելու։ Ուզում եք գնացեք գերեզմանից Հիտլերին բերեք, գեներալ Վլասովին բերեք, հայ -ժողովուրդը չի կործանվելու, անկախությունը չի հանձնելու, և ոչ մի Ռուբեն Վարդանյան չի կարող հաջողել։ Այն օրը, որ օրը Հայաստանը Ռուսաստանի մաս դառնա, նույն օրը զորակոչ է լինելու ռազմաճակատ, և առաջինը տանելու են Քոչարյանի տղաներին, Սերժ Սարգսյանի փեսաներին։
Իսկ ադրբեջանցիները պետք է հասկանան, որ հնարավորություն չունեն չաշխատելու Ռուբեն Վադրանյանի հետ, հիմա իրենք էլ են հայտնվում մանիպուլյացիոն ցիկլի մեջ:
