Այսօր Հայաստանի ազգային վիճակագրական ծառայությունը հրապարակեց նոյեմբեր ամսվա սպառողական գների ինդեքսի վերաբերյալ տեղեկատվությունը, ըստ որի՝ այս տարվա նոյեմբերին սպառողական ապրանքների գները նախորդ տարվա նոյեմբերի համեմատ աճել են (տասներկուամսյա գնաճ) 9.6%-ով: Վերջին առնվազն 10 տարվա ընթացքում սա ԱՎԾ-ի կողմից արձանագրած ամենաբարձր գնաճն է: 2009 թ. դեկտեմբեր ամսվա համեմատ այս տարվա նոյեմբերին սպառողական ապրանքների գներն աճել են 7.5%-ով: Իսկ այս տարվա հունվար-նոյեմբերին սպառողական գների ինդեքսը նախորդ տարվա հունվար-նոյեմբերի համեմատ կազմել է 8.1%: