Իսրայելի նախարարների նոր կաբինետը կաշխատի Երուսաղեմի կարգավիճակի ամրապնդման ուղղությամբ և կպահպանի ստատուս քվոն կրոնական հարցերում։ Այս հայտարարությամբ այսօր հանդես Է եկել «Լիկուդ» կուսակցության առաջնորդ Բենյամին Նեթանյահուն, որն ավարտել է կառավարական կոալիցիայի ձևավորումը նոյեմբերի 1-ին կայացած ընտրությունների արդյունքներով։ Այս մասին հաղորդում Է ТАСС գործակալությանը:
«Կառավարությունը կաշխատի Երուսաղեմի՝ որպես Իսրայելի միասնական և անբաժանելի մայրաքաղաքի կարգավիճակի ամրապնդման ուղղությամբ: Կրոնի և պետության հարցերում ստատուս քվոն կպահպանվի, ինչպես դա ընդունված է Իսրայելում տասնամյակներ շարունակ, այդ թվում՝ Երուսաղեմի սրբավայրերի վերաբերյալ», – գրել է նա Twitter-ում։
Ինչպես ավելի վաղ հայտնել էր «Արմենպրես»-ը, Իսրայելի նոր կառավարությունը խորհրդարանի առջև երդում կտա դեկտեմբերի 29-ին: Դեկտեմբերի 22-ին Բենյամին Նեթանյահուն Իսրայելի նախագահ Իսահակ Հերցոգին հայտնել էր, որ իրեն հաջողվել է կառավարություն ձևավորել։ 73-ամյա Նեթանյահուն ավելի վաղ զբաղեցրել է վարչապետի պաշտոնը 1996-1999թթ.-ին և 2009-2021թթ.-ին: Իսրայելում արտահերթ խորհրդարանական ընտրություններ են տեղի ունեցել նոյեմբերի 1-ին։ Քվեարկության արդյունքներով՝ ,Լիկուդե կուսակցությունը ստացել է 120 մանդատից 32-ը, իսկ գործող վարչապետ Յաիր Լապիդի կուսակցությունը՝ 24։ Այս ընտրությունները հինգերորդն էին Իսրայելում 2019 թ.-ից ի վեր։
