Ինչքան էլ Ալիևն ու նրա ենթակաները խոսում են իրենց հաղթանակի մասին, Թուրքիան դա համարում է իր հաջողությունը: «Առաջին լրատվական»-ի հետ զրույցում նշեց թուրքագետ Նելլի Մինասյանը:
Թուրքագետի խոսքով՝ Շուշիի հռչակագրում Թուրքիայի ու Ադրբեջանի միավորման բոլոր հիմքերը դրված են․ «Հայաստանի հետ կապված մրցակցությունը շատ սուր է: Ռուս-թուրքական հարաբերությունները ռազմավարական տեսանկյունից թշնամական են: Այսօր Թուրքիան պլանավորում է գործողություններ, որ ՌԴ-ին դուրս բերի մի քանի տարածաշրջանից: ՌԴ-ն դեռևս հանդուրժում է Թուրքիային, որովհետև վատ վիճակում է, իրեն այս պահին ձեռնտու է Էրդողանյան Թուրքիան»: