Ըստ Պուտինի` ժողովուրդը հոտ է, ուկրաինացիներից հետո անցել է հայերին: «Առաջին լրատվական»-ի հետ զրույցում նշեց «Ազատ քաղաքացի» հկ ղեկավար Հովսեփ Խուրշուդյանը:
Նա կարծում է` Պուտինը հույս ունի հայ ժողովրդին ահաբեկելով` ստիպի Հայաստանին ընկրկել. «Ադրբեջանն ու Ռուսաստանը իրենց պահում են որպես ահաբեկիչներ: Եթե Հայաստանն ու Արցախը զիջեն ահաբեկիչներին` նշանակում է նրանց մեթոդն ընդունում են: Արցախի իշխանությունները զբաղված են եղել յուրացնելով, ոչ թե այս արհավիրքին դիմակայելու նախապատրաստությամբ»:
Խուրշուդյանը հույս ունի, որ Հայաստանը չի ընկրկի ու չի գնա զիջումների. «Եթե Արցախի կոսովոյացման գինը լինելու է մի քանի ամիս դիմանալը, ապա սա շատ ցածր գին է: Արցախի կոսովոյացման նախադրյալներ կան»: