Իրավապաշտպան Վարդան Հարությունյանը կարծում է, որ շատ լավ լինելու հույսեր չկան․ «Մենք ապրում ենք իրականության մեջ, դրանից կտրվելը նշանակում է սխալներ ու անվերադարձ կորուստներ: Ունեցել ենք 2020-ի պատերազմ, նոյեմբերի 9-ով էլ ընդունել ենք մեր պարտությունը, որի վերջակետը չի դրվել: Ստեղծված իրավիճակում պարտության վերջակետը դնելու խնդիրը պետք է լուծենք: Ճիշտ քայլերը ենթադրում են՝ պահել Արցախը հայկական, մեր հարևանի հետ հաշտության ճանապարհը հարթել: Պարտության վերջակետը պետք է դնել․ Եթե հաշտության ճանապարհը չորոնենք, շարունակելու ենք ունենալ կորուստներ»:
Իրավապաշտպանը ցավալի է համարում, որ Ադրբեջանը Ռուբեն Վարդանյանին չի ընդունում որպես զրուցակից․ «Եթե Ադրբեջանը չի ընդունում Ռուբեն Վարդանյանին որպես զրուցակից, արդեն խնդիր է: Ռուբեն Վարդանյանն ու մյուսները իրականությունից կտրված են, զրույցից դուրս մյուս դաշտերում մենք պարտված ենք: Պետք է ունենաս նախնական տված խոստում, որ հարթակից քո վրա վերցնես մի ամբողջ ժողովրդի ճակատագիր: Եթե մի ողջ ժողովրդի ճակատագիր խարսխվում է մեկ մարդու կամքի վրա, ճիշտ չէ»: