«Իմ առավելությունն է, որ մարդկանց չեմ տեսնում: Տեսքը մեծամասամբ խաբուսիկ է լինում», «Կյանքը՝ երկրորդ փորձից» հաղորդման շրջանակներում պատմում է տեսողական խնդիրներ ունեցող Սիփան Ասատրյանը:
Չտեսնելու վարկածները տարբեր են, մինչեւ վերջ չհաստատված, գուցե որեւէ վիրուսի հետեւանք է: Սիփանը նշում է, որ ինչպես ինքը, այնպես էլ իր ընտանիքը՝ նաեւ 6-ամյա դուստրը, հաշտ են իր խնդրի հետ: Տեսողության խնդիրը չի խանգարել Սիփանին սովորել, ստանալ մասնագիտություն, հիմա նաեւ աշխատել: Նա ունի լուսազգացողություն, նաեւ տեսնում է վառ գույները՝օրինակ քաղաքի անցումների դեղին գծանշումները:Ասում է՝ ամեն օր տանից «զինված է» դուրս գալիս, քանի օր հասարակության վերաբերմունքը հաշմանդամություն ունեցողների նկատմամբ միանշանակ չէ.«Մի անգամ տրանսպորտում ասացին՝ինչու՞ ես բարձրացել տրանսպորտ, ասացի իակ դու՞ք, ասաց՝ ես աշխատանքի եմ գնում, ասացի՝ ես նույնպես աշխատանքի եմ գնում»:
