Ռուս-ուկրաինական պատերազմի մի քանի փուլ է եղել. այժմ մի իրավիճակ է, երբ ՌԴ-ն արդեն դոմինանտ չէ, Ուկրաինան էլ դեռ դոմինանտ չէ: «Առաջին լրատվական»-ի հետ զրույցում նշեց քաղաքագետ Օլեգ Սահակյանը:
Նրա խոսքով`Ռուսաստանն անցել է հեռավար տեռորի գործողությունների. «Աշխարհն ապրում է ամանորյա տոներով. Զելենսկիի այցը ԱՄՆ՝ բոլորին պատերազմի մասին հիշեցնելու համար էր: Զելենսկիի այցը ԱՄՆ պետք էր ոչ միայն Կիևին, այլ նաև Վաշինգտոնին»:
Ըստ քաղաքագետի` Խորհրդային միությունը փլուզվել է վաղուց, բայց մահանում է հենց այս օրերին. «Եթե Մոսկվան վաղը որոշի սառեցնել պատերազմը, Ուկրաինան կանգ չի առնի. մեր խնդիրը տարածքների ազատագրումն է: Ուկրաինան շատ թանկ գին է վճարել. այս պատերազմում մենք պետք է հաղթենք, այլ ելք չկա»:
Ինչ վերաբերում է Հայաստանի շուրջ տեղի ունեցող զարգացումներին, ապա քաղաքագետը կարծում է, որ Ռուսաստանին պետք է Զանգեզուրի միջանցքը. «ՌԴ հեռուստաալիքներով այդ մասին բաց խոսում են: Ռուսաստանի համար Հայաստանն այսօր սպառնալիք է, քանի որ տարածաշրջանում միակ ժողովրդավարական երկիրն է: Ռուսաստանը Հայաստանով վճարում է իր աշխարհաքաղաքական նկրտումների համար»: