ՀՀ կրթության, գիտության, մշակույթի և սպորտի նախարարությունը երեկ ամփոփեց 2022 թվականի «Տարվա 10 լավագույն մարզիկներ» մրցույթի արդյունքները: Լավագույնների ընտրությունը կայացել է ԿԳՄՍ նախարարությունում հավատարմագրված 15 մարզական լրագրողների և ՀՀ 33 մարզական ֆեդերացիաների ներկայացուցիչների/հավաքական թիմերի գլխավոր մարզիչների քվեարկության համադրությամբ: Եվ այսպես 2022 թվականի Հայաստանի լավագույն 10 մարզիկներն են՝ ըմբշամարտի աշխարհի առաջնության չեմպիոն Արթուր Ալեքսանյանը, ըմբշամարտի Եվրոպայի չեմպիոն, աշխարհի առաջնության բրոնզե մեդալակիր, Մալխաս Ամոյան Մալխաս, ըմբշամարտ, աշխարհի առաջնության բրոնզե մեդալակիր, Եվրոպայի առաջնության չեմպիոն Արսեն Հարությունյանը, ծանրամարտի աշխարհի առաջնություն բրոնզե մեդալակիր, Եվրոպայի փոխչեմպիոն Վարազդատ Լալայանը, ծանրամարտի աշխարհի առաջնության բրոնզե մեդալակիր Եվրոպայի առաջնության փոխչեմպիոն Սամվել Գասպարյանը, բռնցքամարտի Եվրոպայի չեմպիոն Հովհաննես Բաչկովը, բռնցքամարտի Եվրոպայի չեմպիոն Անի Հովսեփյանը, հրաձգության Եվրոպայի առաջնության չեմպիոն, աշխարհի առաջնության բրոնզե մեդալակիր Լիլիթ Մկրտչյանը, սպորտային մարմնամարզություն, աշխարհի առաջնության բրոզե մեդալակիր, Եվրոպայի առաջնության չեմպիոն Հարություն Մերդինյանը և սպորտային մարմնամարզություն, աշխարհի չեմպիոն, Եվրոպայի փոխչեմպիոն Արթուր Դավթյանը։
Ամոփելով քվեարկության արդյունքները այն պետք է գնահատել օբյետկիվ։ Ավելի ստույգ, բոլոր մարզիկները գրանցած արդյունքներով արժանի էին լինելու 10 լավագույն մարզիկների շարքում։ Ուրախալի է, որ տասնյակում ունենք հրաձգության Եվրոպայի չեմպիոն, մարմնամարզության աշխարհի և Եվրոպայի չեմպիոնների։ Այս մարզաձևերում լուրջ հաջողություններ ունենալը խոսում է այն մասին, որ մեր երկրում սպորտը իսկապես սկսել է զարգանալ։ ԿԳՄՍ նախարարի տեղակալ Կարեն Գիլոյանի խոսքով՝ Հայաստանի համար մարզական 2022 թվականը ռեկորդային էր նվաճված մեդալների քանակով. «Մարզիկների միջազգային մրցաշարերի մասնակցության մասին խոսում են թվերը: Սպորտը շատ չափելի է. կա մեդալ՝ կա արդյունք: Հայաստանն այս տարի ունի 306 մեդալ, որից 104-ը՝ ոսկե: Սա լավագույն արդյունքն է. այն 30 տոկոսով ավելի է, քան երբևէ գրանցած լավագույն արդյունքը, այն է՝ 222 մեդալ 2019 թվականին»:
Կարեն Գիլոյանը նշել է՝ այս տարի շինարարական հսկայածավալ աշխատանքներ են իրականացվել և շարունակվում են. «Մեծ ցանկություն կար այս տարի շահագործման հանձնել Արտաշատի աթլետիկայի մարզադաշտը, բայց թերություններ եղան, ու միջազգային ներկայացուցիչները չընդունեցին: Կառուցապատողները խոստացել են, որ մինչև ապրիլ մարզադաշտը պատրաստ կլինի: Արթուր Ալեքսանյանի անվան մարզադպրոցի շինարարական աշխատանքները մեծ թափով ընթանում են, և նպատակ կա այդ մարզադպրոցում անցկացնել միջազգային մրցաշար: Սիմոն Մարտիրոսյանի ծանրամարտի մարզադպրոցը պատրաստ կլինի առաջիկա երկու ամիսներին: Արթուր Աբրահամի և Վիկ Դարչինյանի անվան բռնցքամարտի մարզադպրոցները ևս պատրաստ կլինեն գալիք տարիներին»: Ինչև դրական նոտայի ֆոնին այնուամենայնիվ ցանկանում ենք անդրադառնալ ևս մեկ կարևոր հաջողության, որի մասնակիցներից ոչ ոք տեղ չի գտել 10 լավագույնների ցուցակում։ Խոսքը շախմատի Հայաստանի տղամարդկանց հավաքականի մասին է, որը այս տարվա օգոստոսին համաշխարհային օլինպիադայում արծաթե մեդալ նվաճեց։
Մեր հավաքականի առաջատար Գարբիել Սարգսյանը, որը 2022 թվականին դարձել էր նաև Եվրոպայի անհատական առաջնության փոխչեմպիոն կարծում ենք արժանի էր տեղ ունենալու 10 լավագույն մարզիկների շարքում։ Ամեն դեպքում ունենք այն ինչ ունենք, և օգտվելով առիթից շնորհավորում ենք անցնող տարում մեր երկրի պատիվը բարձր պահած բոլոր մարզիկներին, գալիք տարում ցանկանալով նորանոր նվաճումներ։ «Տարվա 10 լավագույն մարզիկներ» մրցույթի արդյունքներով լավագույն տասնյակում ընդգրկված յուրաքանչյուր մարզիկ կստանա 5 մլն դրամ: