ՀԱՊԿ-ը արդեն լքել է Հայաստանի Հանրապետությունը, Զասի վերջին հայտարարությունը, որ ՀԱՊԿ-ը դուրս չի գալու ՀՀ-ից, պետք է դիտարկել սպառնալիք: «Առաջին լրատվական»-ի հետ զրույցում նշեց քաղաքագետ Գուրգեն Սիմոնյանը:
Սիմոնյանի խոսքով՝ Հայաստանը ոչ միայն չի գեներացնում ժողովրդավարությունը, այլ տնտեսական հնարավորությունները․ «Քանի Հայաստանը չի կարողանում ի մի բերել համաշխարհային հայկականության ներուժը մեր դժբախտությունները չեն պակասի: Մեզ գցեցին այն շրջափուլից, որը մեզ կտաներ Արցախի հայապատկան կարգավիճակի ֆիքսելուն: Եթե կորցրեցինք Արցախը, Սյունիքի նկատմամբ ռազմաքաղաքական նկրտումների «դամոկլյան սուրը» հուր հավիտյան կախված է լինելու ՀՀ գլխին»:
Քաղաքագետը կարծում է, որ Հայաստանը այս իրավիճակում ամեն ձև պետք է մանևրի և խուսափի պատերազմից․«Ինչքան հզորացնենք բանակը, այնքան կսպասարկենք խաղաղության օրակարգը»:
