SHAMSHYAN.com-ի տեղեկություններով՝ ոստիկանության Վարդենիսի բաժնի քրեական հետախուզության բաժանմունքի և Հայաստանի քննչական կոմիտեի Գեղարքունիքի մարզային քննչական վարչության Վարդենիսի քննչական բաժնի խումբը պարզել են երեկ՝ դեկտեմբերի 18-ին, Գեղարքունիքի մարզում ողբերգական ավտովթարի հետևանքով մահացածների, վարորդների և վիրավորների ինքնությունը։
Ինչպես հայտնում է Shamshyan.com-ը՝ պարզվել է՝ ՎԱԶ 21099-ը վարել է Վարդենիս համայնքի Շատջրեք բնակավայրի բնակիչ՝ 33-ամյա Վարդան Ի․-ն, իսկ Opel Astra-ն վարել է Վարդենիս համայնքի Ջատջրեք բնակավայի բնակիչ՝ 37-ամյա Անդոկ Ի․-ն։
Վթարի հետևանքով Վ. Ի․-ի ուղևորներ՝ Վարդենիս համայնքի Ջատջրեք բնակավայրի բնակիչներ, 24-ամյա Երանուհի Ա․-ն և 33-ամյա Մելինե Գ,-ն տեղում մահացել են։ Իսկ ուղևոր՝ 10-ամյա Սեդա Ի․-ն, 6-ամյա Նարեկ Ի․-ն և Opel-ի ուղևոր՝ Վարդենիս համայնքի Սոթք բնակավայրի բնակիչ, 23-ամյա Դմիտրի Ա-ն տեղափոխվել են «Վարդենիս» ԲԿ։
Աղբյուրի տեղեկություններով՝ վարորդները հարազատ եղբայրներ են, մահացածները նրանց կանայք են, վիրավորներից Ս. Ի․-ն ու Ն. Ի․-ն Ա. Ի․-ի աղջիկն ու տղան են։
Ինչպես ավելի վաղ դեպքի վայրից հայտնել էր աղբյուրը, երեկ՝ դեկտեմբերի 18-ին, խոշոր ու ողբերգական ավտովթար էր տեղի ունեցել Գեղարքունիքի մարզում։ Ժամը 12։50-ի սահմաններում Շատջրեք-Վարդենիս ավտոճանապարհի Շատջրեք համայնքի վարչական տարածքում բախվել էին Opel Astra և VAZ 21099 մակնիշի ավտոմեքենանեերը։
Վթարի հետևանքով 2 հոգի տեղում մահացել էին, 5 հոգի տարբեր աստիճանի մարմնական վնասվածքներով տեղափոխվել էին «Վարդենիս» ԲԿ։
