ԵՄ-ի երկրների Էներգետիկայի նախարարների նիստում գազի գնի վերջին շեմի սահմանման շուրջ փորձնական քվեարկության ժամանակ ինը երկիր, այդ թվում՝ Հունգարիան և Գերմանիան, դեմ են արտահայտվել դրան, սակայն գերմեծամասնությունը կողմ է եղել, հայտարարել է Հունգարիայի արտաքին գործերի նախարար Պետեր Սիյարտոն։ Այդ մասին տեղեկանում ենք «РИА Новости» գործակալությունից:
«Ցավոք սրտի, այսօր առավոտյան նիստում քննարկումներից հետո Չեխիայի նախագահը նոր առաջարկ Է ներկայացրել, և անցկացվել Է փորձնական քվեարկություն: Այս փորձնական քվեարկության ընթացքում ինը երկիր, այդ թվում՝ մենք, դեմ ենք եղել գնի վերին շեմին, բայց քանի որ անհրաժեշտ է գերմեծամասնություն, անհրաժեշտ գերմեծամասնությունը հավաքվել է՝ չնայած այն բանին, որ ինը երկիր Է դեմ արտահայտվել», – ասել է Սիյարտոն։
Նա հստակեցրել Է, որ քանի որ դեմ քվեարկած երկրները, բացառությամբ Գերմանիայի, փոքրաթիվ բնակչություն ունեն, նրանք չեն կարողացել «անհրաժեշտ փոքրամասնություն կազմել միջոցն արգելափակելու համար»:
