Ռուսաստանի հայերի միության շուրջ «կրքերը» չեն հանդարտվում։ Ինչպես ավելի վաղ գրել էինք, որ Մոսկվայի դատարանում տեղի է ունեցել «1921թ․ մարտի 16-ի Մոսկվայի ռուս-թուրքական «բարեկամության և եղբայրության մասին» պայմանագրի օրինականության, վավերականության և իրավազորության հարցերով հայցադիմումի հերթական նիստը: Հայցադիմումը դատարան ներկայացրել է Համառուսաստանյան հայերի միության հասարակական կազմակերպության Կեմերովոյի մարզային բաժանմունքի նախագահ Գեորգի Անտոնովը: Սակայն Ռուսաստանի հայերի միության նախագահ Արա Աբրահամյանը փորձում է ամեն ինչ անել, որ Անտոնովի անունը չկապվի Ռուսաստանի հայերի միության հետ, բայց դա նրան չի հաջողվի, որովհետև երկու տարվա դատավարության փաստաթղթերը կապված են Անտոնովի և Ռուսաստանի հայերի միության հետ, և դա պատմություն է։
Մեկ տարի առաջ սկսված դատի երկրորդ փուլը, քանի որ Անտոնովից պահանջում էին ապացուցել, որ ինքը Ռուսաստանի հայերի միության բաժանմունքի ղեկավար է: Ըստ էության՝ Արա Աբրահամյանը իբրև թե խուսափում է քաղաքական շահարկումներից, կամ կան կոնկրետ ճնշումներ ռուսական իշխանություններից:
Նախօրեին Ռուսաստանի հայերի միությունը փորձել է անօրինական ճանապարհով փոխել Կեմերովոյի հայկական համայնքի ղեկավարին։ Անտոնովը «Առաջին լրատվական»-ի հետ զրույցում նշեց, որ Արա Աբրահամյանի նպատակն է կասեցնել Կեմերովոյի Հայկական Համայնքի նախագահ Գեորգի Անտոնովի դատական հայցը՝ 1921 թվականի ռուս-թուրքական անօրինական պայմանագրերը չեղյալ հայտարարելու նպատակով։ Դրա համար կեղծ լուրեր են տարածքում, թե իբրև թե 2022 դեկտեմբերի 18-ին Կեմերովոյում Պարադիզ ռեստորանում ։իբրև թե տեղի են ունեցել ընտրություններ, որի արդյունքում իբրև թե ոմն Սիմոնյան Արգիշտի Բուլոևիչը ընտրվել է Կեմերովոյի մարզային բաժանմունքի նոր նախագահ։
Նիստում ձևավորվել են նաև Խորհրդի և մասնաճյուղի Վերահսկիչ և վերստուգիչ հանձնաժողովի նոր անդամներ:
«Սա սուտ, սադրիչ տեղեկատվություն է, որը տարածվել է Ռուսաստանի հայերի միության գրասենյակի կողմից՝ առանց ինձ ապօրինի կերպով հետ վերցնելու հայցը»,-ասաց նա:
Բացի այդ՝ Անտոնովի խոսքով՝ ժողովն եղել է անօրինական, քանի որ ըստ Ռուսաստանի հայերի միության կանոնադրության համաձայն՝ այն պետք է անց կացներ համայնքի նախագահը, մինչդեռ անց է կացրել Ռուսաստանի հայերի միության նախագահի տեղակալ Գերման Անանյանցը և ներկա են եղել կողմնակի մարդիկ, այսինքն՝ ոչ մեկը կազմակերպության անդամ չի եղել: Նիստին հավաքվել են հայերով, բայց ռուսերեն է եղել նիստը, քանի որ Անանյանցը ասել է, որ ինքը հայերեն որևէ բառ չգիտի: Անտոնովի խոսքով՝ հարց է առաջանում՝ հա՞յ է նա, թե ով է, ծնունդով Բաքվից է:
Նա նաև նշեց, որ Արա Աբրահամյանը հակահայկական արշավ է սկսել, բայց ոչ միայն ինքը, այլև իր շրջապատը նույնպես, գուցե Մոսկվայի իր շրջապատը: Գեորգի Անտոնովը նշեց, որ եթե շարունակվեն անօրինական գործողությունները Կուզբասի կազմակերպության նկատմամբ, այդ դեպքում դիմելու է դատարան՝ ընդդեմ Ռուսաստանի հայերի միության։
«Դիմելու ենք դատարան։ Կեմերովայի հայությունը համախմբված է այս հարցի շուրջ և գիտակից մասսան չի գնացել այնտեղ հաց ուտելու, քանի որ դա հաց ուտելու տեղ է, ոչ թե ժողովի: Եթե նրանք նպատակ էին դրել պառակտել հայությանը, հիմա, ընդհակառակը, ավելի համախմբված են դարձել»,-ասաց Անտոնովը։ Ռուսաստանի հայերի միության Մոսկվայի գրասենյակն ապացուցեց, թե ինչպես է Ռուսաստանում աշխատում մարզային կառույցներում և թե ում է ուզում տեսնել: Իրենք ցույց տվեցին, որ գոյություն չունեն իրենց համար օրենքներ, ինչպես ցանկանում են, անում են, գողական օրենքներով»: Ռուսաստանի հայերի միության Մոսկվայի գրասենյակը չի գործում Մոսկվայի օրենքներով»: Եթե 22 տարի այս կազմակերպությունը աշխատեր օրենքներով, հայ-ռուսական հարաբերություններն այսքան լարված չէին լինի, և օրենքը չի գործել, այլ գործել է հասկացություններով:
Ի դեպ, Սիմոնյան Արգիշտի Բուլոյի Կեմերովոյի հանցավոր աշխարհի ներկայացուցիչ։ Ազատազրկվել է կողոպուտի համար։ Համարվել է Կեմերովոյում օրենքով գող «Վոլոսատիի» աջ ձեռքը։ Նրա հանցախումբը Կեմերովոյում կոչվում էր Կիրովսկիե կամ «սիմոնյատա»։
