Ինչպես տեղեկացնում է 1News.az-ը` Աստանայում ԵԱՀԿ Խորհրդարանական վեհաժողովի այսօր կայանալիք նիստում ծրագրվում է ընդունել նախագիծ սառեցված հակամարտությունների վերաբերյալ: Այս մասին ադրբեջանական գործակալություններին հայտնել է կազմակերպության թուրք ներկայացուցիչ Քենան Քալսինը. «Պետք է դիտարկվեն սառեցված հակամարտությունները, այդ թվում՝ ղարաբաղյան հակամարտությունը: Քննարկումների արդյունքում մենք ծրագրում ենք նախագիծ ընդունել ԵԱՀԿ տարածքում սառեցված հակամարտությունների վերաբերյալ»,- այսօր հայտարարել է Ք.Քալսինը: «Սառեցված հակամարտությունները շատ բարդ են, և պետք է դրանք քայլ առ քայլ դիտարկել, որպեսզի վերականգնվի վստահությունը հակամարտող կողմերի միջև»,- նշել է Քալսինը:
