Ադրբեջանը շարունակում է իր ահաբեկչական քաղաքականությունը, Արցախը առերեսվում է մարդասիրական աղետի ու ճգնաժամի հետ: «Առաջին լրատվական»-ի տաղավարում նշեց Արցախի ԱԳ նախարարի պաշտոնակատար Դավիթ Բաբայանը:
Ըստ նախարարի պաշտոնակատարի` կոչերը բավարար չեն, այն պետք է վերածվի գործի. Ադրբեջանին կարող են միայն պարտադրել. «Դա նույն է` հանցագործը դանակահարում է մի մարդու, իսկ դու նրան սթափության կոչ անես: Ադրբեջանը ամբողջ աշխարհի առաջ խախտում է զինադադարը: Եթե Ադրբեջանի նկատմամբ ճնշում չլինի, ականատես կլինենք ողբերգական զարգացումների»:
Բաբայանը հուսով է, որ հրապարակային լուրջ ճնշում կլինի Ադրբեջանի նկատմամբ. «Ակնկալում ենք կոշտ մոտեցում. Մոսկվայից ակնկալիքները ավելի մեծ են, որովհետև այդ միջանցքը նրանց պատասխանատվության ներքո է: Այդ կեղծ էկոլոգները փորձում են տապալել 2020-ի պյամանավորվածությունը. հարցը տեղափոխվել է քաղաքական դաշտ: ՌԴ-ի մեղմ հայտարարությունների մեջ կան լուրջ մեսիջներ:Ադրբեջանը կարմիր գծեր է խախտում, նրան թույլ չեն տա»:
