Դեկտեմբերի 10-ին խոշոր ավտովթար է տեղի ունեցել Գեղարքունիքի մարզում։ Ժամը 14։00-ի սահմաններում Սևան-Մարտունի-Գետափ ավտոճանապարհի 26 կմ հատվածում բախվել են Երևանի բնակիչ 34-ամյա Նարեկ Իսկոյանի վարած Mercedes մակնիշի և Գեղարքունիքի մարզի բնակիչ 25-ամյա Նորայր Ջևիկյանի վարած ՎԱԶ 21010 մակնիշի ավտոմեքենաները։
Ինչպես հայտնում է shamshyan.com-ը, վթարի հետևանքով Ն․ Ջևիկյանն ու նրա ուղևորները՝ Գեղարքունիքի մարզի բնակիչներ 25-ամյա Գարիկ Սիրականյանը, 26-ամյա Դավիթ Մադաթյանն ու 25-ամյա Գոշ Ավագյանը, մարմնական վնասվածքներով տեղափովել են Գավառի ԲԿ։
Վթարի փաստով քննչական վարչությունում նախաձեռնվել է վարույթ։ Աղբյուրի տեղեկություններով՝ վթարի մեղավորը ՎԱԶ 21010-ի վարորդ Ն․ Ջևիկյանն է, որը դուրս է եկել հանդիպակաց երթևեկելի գոտի, վթարային իրավիճակ ստեղծել Mercedes-ի վարորդ Ն․ Իսկոյանի համար, ապա բախվել նրա Mercedes-ին։ Ն․ Իսկոյանն աշխատում է Հայաստանի քննչական կոմիտեի Երևան քաղաքի քննչական վարչության Արաբկիրի քննչական բաժնում` որպես ավագ քննիչ։
