36 ամյա Անի Քոչարը նշում է՝ կյանքն իր համար, որպես կանոն, բաժանվում է երկու մասի․ մինչև 2018 թվականը և դրանից հետո։
Գրող, մանեքենուհի Անի Քոչարը (Քոչարյանը) «Կյանքը՝ երկրորդ փորձից» հաղորդման շրջանակներում պատմեց, որ 2018 թվականին իր մոտ ախտորոշվել է արյան քաղցկեղ և այդ պահից սկսած կյանքը շրջադարձային փոփոխության է ենթարկվել։
Անին նշում է, որ հիվանդության հայտնաբերման պահին եղել է Գերմանիայում, ամիսներ շարունակ իրեն վատ է զգացել, սակայն դա վերագրել է գերհոգնածությանը, անձնական խնդիրներին։ Ունեցել է տարբեր գանգատներ՝ ստամոքսի ցավ, գլխացավեր, թուլություն, սակայն բժշկի դիմելու վերջնական ահազանգը եղել է մարմնի տարբեր հատվածներում հայտնված կապտուկները, այն դեպքում, երբ վստահ է եղել, որ որևէ տեղ չի հարվածել։
Մեր հյուրը պայքարի մեծ ընթացք է անցել, սակայն ոչ մի ակնթարթ մտքով չի անցել՝ հանձնվել։ Անիի կոչն է՝ չչարանա՛լ, չհանձնվե՛լ և երբեք չմտածել՝ ինչու՞ հենց ես ․ «Բա ո՞վ՝ քո հարազատը՞, քո ընկերը՞»,-հարցադրում է անում նա։
Անին իր հիվանդության հայտնաբերման, դրա հաղթահարման մասին գիրք է գրել․ «Հանձնվել չկա՛» խորագրով։
Առաջարկում ենք դիտել Անի Քոչարի պատմությունն ամբողջությամբ՝ տեսանյութում