Լաչինի միջանցքի շուրջ ծավալվող զարգացումներին զուգահեռ, հայտնի դարձավ, որ Ֆրանսիա է այցելել Արցախի նախագահ Արայիկ Հարությունյանը, «Ֆրանս 24» -ին (France 24) տված հարցազրույցում ասել է Արցախի խաղաղությունն ապահովում է ռուսական խաղաղապահ առաքելությունը, բայց քանի որ այդ ժամկետը ավարտվում է 2025 -ին, «մեզ անհրաժեշտ են ավելի հիմնարար միջազգային երաշխիքներ»՝ անվտանգային առումով։Ի՞նչ է ակնկալում Արցախը Ֆրանսիայից՝ խոսելով միջազգային հիմնարար երաշխիքների մասին: Թեմայի շուրջ «Առաջին լրատվական»-ը զրուցել Ռազմական և ազգային անվտանգության հարցերով փորձագետ Հրաչյա Արզումանյանի հետ:
Փորձագետի խոսքով՝ Արցախի իշխանություններն իրականացնում են ռուս-թուրքական ալյանսի ծրագիրը․ «Արցախահայությունը պետք է մանդատը վերցնի Արայիկ Հարությունյանից ու գնան նոր ընտրությունների: Արցախահայության թիվ մեկ խնդիրը պետք է լինի Արցախի իշխանություններին հրաժեշտ տալը: Հայ հասարակության մոտ դիսկուրս պետք է ծավալել՝ արդյոք հնարավոր է Արցախում ընտրություններ անցկացնել»:
Արզումանյանը կարծում է, որ Արցախում չկա ռուս խաղաղապահ ուժեր, այլ կա ռուսական ռազմական ներկայություն․ «Եթե վաղը Թուրքիան որոշի Արցախում սկսել ռազմական գործողություն, ապա ռուս խաղաղապահները կլքեն Արցախը»:
