ԱԺ արտաքին հարաբերությունների մշտական հանձնաժողովի նախագահ Էդուարդ Աղաջանյանը հայտարարել է, որ Հայաստանը ստացել է Ադրբեջանի փոխանցած խաղաղության պայմանագրի փաթեթը. «Ստացել ենք Ադրբեջանի առաջարկները, որոնք արձագանքն են մեր առաջարկների։ Կարելի է ասել՝ այդ առաջարկների երրորդ փուլն է քննարկվում։ Քանի որ դրանք հրապարակման ենթակա մանրամասներ չեն, չեմ կարող հրապարակայնացնել»,- ասել է նա ասուլիսի ժամանակ։ Թեմայի շուրջ «Առաջին լրատվական»-ը զրուցել է քաղաքագետ Սարո Սարոյանի հետ:
Քաղաքագետի բնորոշմամբ` մեր ազգային շահերից դուրս գործընթաց է տեղի ունենում. «Ռուս խաղաղապահությունը հողի վրա ռուս-թուրքական պայմանավորվածությունը ապահովելու համար է: Զանգեզուրի միջանցքի հարցը թուրքական կողմի երազանքն է, որը ՌԴ-ի օգնությամբ ամեն գնով իրագործելու են, և դա պարտադրվելու է Լաչինի միջանցքով, արցախահայությանը պատանդառության տակ պահելով»: