Երկար պայքարից հետո Մոսկվայի դատարանը վարույթ է ընդունել «1921թ․ մարտի 16-ի Մոսկվայի ռուս-թուրքական «բարեկամության և եղբայրության մասին» պայմանագրի օրինականության, վավերականության և իրավազորության հարցերով հայցադիմումը, և արդեն երկուդատական նիստ տեղի է ունեցել, հաջորդը՝ դեկտեմբերի 8-ին է։ Պատասխանող կողմը ՌԴ ԱԳՆ է։ Դատավարությանը տեղյակ է նաև Ռուսաստանի հայերի միությունը: Ըստ շրջանառվող լուրերի՝ միության նախագահ Արա Աբրահամյանն ամեն կերպ փորձում է համոզել հետ վերցնել հայցադիմումը, քանի որ ՌԴ ԱԳ նախարար Սերգեյ Լավրովն անձամբ է դիմել Աբրահամյանին:
ՔԺԿ նախագահ, քաղաքագետ Լևոն Շիրինյանը, «Առաջին լրատվական»-ի հետ զրույցում, անդրադառնալով դատավարությանը, նշեց, որ այն պետք է լայնորեն լուսաբանվի, և շատ լավ է, ժամանակն է, որ մեր պատմության միջազգային իրավական հիմքերը պարզվեն, եթե դրանք պարզվում են, Հայաստանի պատմությունը վերականգնվում է ամբողջ շքեղությամբ և Ռուսաստանի ամբողջ դավաճանությամբ Հայաստանի և հայ ժողովրդի հանդեպ:
Իսկ թե ՌԴ իշխանությունները ինչու են սարսափում այս դատավարությունից, քանի որ, ըստ Շիրինյանի, սա ՌԴ գոյության հիմքերը քանդող փաստաթուղթ է, աշխարհում ամենաստոր պայմանագիրն է, և ոչ միայն հայերի հանդեպ, այլ ընդհանրապես միջազգային իրավունքում ամենաստորագույն պայմանագիրն է ցեղասպանությունից հետո: Չկա նման
«Սա ռուսական ճիվաղ ուղեղում ծնված մոտեցում է հայերի հանդեպ: Էդ որ արաաբրահամյանները հայ են, ոչինչ չի նշանակում, ավելի վատ, որ հայ են: Պետք է մերկացնել Ռուսաստանը, և կտեսնեք, թե ինչ պոռնիկ դուրս կգա տակից կույսի տեսքով»:
«Մեր բանակի ջախջախումն իրենք են արել, Հայաստանին դրեցին Ադրբեջանի էշին, առաջ Քեմալի ձեռքով, հիմա էլ Ալիևի ձեռքով են անում: Հայաստանի սահմանների «չգոյություն», անկլավ և այլն, ամբողջը նրանց ձեռքի գործն է: Լավ է, որ նման բան են արել, պետք է բացահայտել ամբողջովին, բայց զուգահեռաբար հայցը պետք է տեղափոխել Հաագայի միջազգային դատարան, քանի որ ՌԴ-ն՝ որպես ՀՀ սեփականատեր, հանել է աճուրդի Հայաստանը: Եվ միջազգային մասնագետները, բացահայտելով ռուս քաղաքական վերնախավի այլանդակությունը, ամբողջ աշխարհին կտեղեկացնեն այդ ամենը»,-ասաց քաղաքագետը:
Անդրադառնալով Ռուսաստանի հայերի միության նախագահ Արա Աբրահամյանին՝ Շիրինյանը նշեց, որ նա Կրեմլի տրոյական ձին է:
« Այդ տեսակ նեոբոլշևիկ… մանավանդ ՌԴ քաղաքացիներ են, նրանք չպետք է խառնվեն այս գործերին: Մոսկվան օգտագործում է այսպես ասած իրենց հայերի վերջին ռեսուրսը, որոնց հայկականությունը պետք է ստուգվի ջերմաչափով: Ռուսահայության այլասերված հատված կա, և նրանց մուտքը Հայաստան պետք է արգելել, այդ թվում՝ Արա Աբրահամյանի, որը ՌԴ ազդեցության գործակալ է: Եվ եթե Արա Աբրահամյանը ուզում է հիշել, որ Մալիշկայում է ծնվել, պետք է ոչ եթե Կրեմլի կամքը կատարի, այլ Հայաստանի համար գործի: Նա Կրեմլի տրոյական ձին է»,-հավելեց Շիրինյանը:
Նրանք, Շիրինյանի խոսքով, ծառայել են ՌԴ-ին՝ ընդդեմ Հայաստանի, իրենք իրենց կյանքի գնով պետք է Կրեմլի դեմ դուրս գան, լավրովների դեմ պետք է դուրս գան: