ԱՄՆ մայրաքաղաք Վաշինգտոնում շարունակվող այցի շրջանակում դեկտեմբերի 2-ին «Հանուն Հանրապետության» կուսակցությյան պատվիրակության անդամները, կուսակցության նախագահ Արման Բաբաջանյանի առաջնորդությամբ, հանդիպեցին Ամերիկայի հայկական համագումարի գործադիր տնօրեն Բրայան Արդունիի հետ:
Բովանդակալից զրույցի ընթացքում մտքեր փոխանակվեցին հայկական օրակարգի հիմնական հարցերի շուրջ: Անդրադարձ եղավ հայ-ամերիկյան ռազմավարական երկխոսության զարգացման, Հայաստանի շուրջ ստեղծված անվտանգային իրավիճակի, Հայաստանի ռազմա-պաշտպանական կարողությունների ավելացման, տարածաշրջանում ԱՄՆ-ի ներգրավվածության ընդլայնման խնդիրներին:
Բրայան Արդունին ներկայացրեց Ամերիկայի հայկական համագումարի նախորդիվ կատարած աշխատանքները և առաջիկա անելիքները:
Պայմանավորվածություն ձեռք բերվեց ակտիվացնել երկկողմ կապերը և իրացնել համագործակցության առկա ներուժը:
