ՍԴ-ն պետք է պատասխանի` թե լիազորությունների դադարեցման դեպքում դատավորը բողոքարկման իրավունք ունի, թե ոչ: «Առաջին լրատվական»-ի հետ զրույցում նշեց «Թրանսփարենսի ինթերնեյշնլ» հակակոռուպցիոն կենտրոնի իրավական հարցերով փորձագետ Հայկ Մարտիրոսյանը:
Մարտիրոսյանի խոսքով` դատական համակարգի բուն խնդիրները պետք է լուծվեն. «Իրավապահ համակարգում կան խնդիրներ. այնպես չէ որ դա կապված է նախորդ ռեժիմի նշանակումներով: Դատական համակարգում տեղի ունեցողը չպետք է կապել անհատների հետ: Այսօր իրավապահ համակարգը առնչվում է քաղաքացիների լայն շրջանակի հետ:Դատական համակարգի ծանրաբեռնվածությունը անմարդկային է, որը ազդում է մարդու իրավունքների վրա, ճիշտ չի վերլուծվում»:
Մարտիրոսյանը կարծում է, որ մեղքը չպետք է բարդել դատական համակարգի վրա. Օրենսդիր և գործադիր իշխանության աշխատանքը անբավարար է: