Պաշտոնական Մոսկվան խնդրանք է ուղարկել Հնդկաստանին՝ մեքենաների, ինքնաթիռների և գնացքների պահեստամասեր մատակարարելու հարցում օգնություն տրամադրելու հարցում։ Ռուսաստանն այդ առումով այժմ սահմանափակված է միջազգային պատժամիջոցների պատճառով, և դրանց կարիքն ունի՝ կենսական արդյունաբերությունը պահպանելու համար:
Ինչպես հայտնում է «Reuters» գործակալությունը՝ վկայակոչելով իր աղբյուրները, Հնդկաստանին հանձնված ցանկում կա մոտ 500 ապրանք։
Գործակալությունը պարզաբանում է, որ այս ցուցակը նախնական է։ Պարզ չէ, թե ինչ և ինչ քանակությամբ կուղարկվի Ռուսաստան, սակայն Հնդկաստանի կառավարությունում Reuters-ի աղբյուրը հայտնել է, որ ցուցակն ինքնին շատ անսովոր է իր ծավալներով։ Այն բաղկացած է 14 էջից։ Ռուսաստանը ավտոմոբիլային և ավիացիոն արդյունաբերության համար պահանջում է մոտ 200 մետալուրգիական ապրանք և շատ բաղադրամասեր՝ մխոցներ, նավթային պոմպեր և բոցավառման պարույրներ, բամպերներ, ամրագոտիներ, վայրէջքի սարքերի բաղադրիչներ, վառելիքի համակարգեր, կապի և հրշիջման համակարգեր, փրկարար բաճկոններ և ինքնաթիռի անվադողեր։
Նշվում է նաև թղթի և սպառողական փաթեթավորման արտադրության հումք, ինչպես նաև տեքստիլի արտադրության նյութեր և սարքավորումներ, այդ թվում՝ գործվածք և ներկանյութեր։
Հնդկաստանը փորձում է մեծացնել առևտուրը Ռուսաստանի հետ, սակայն որոշ ընկերություններ մտավախություն ունեն, որ այդ պատճառով կարող են ընկնել Արևմուտքի պատժամիջոցների տակ: