Պաշտպանության նախարարությունն առաջարկում է շարքային և սպայական կազմերի պարտադիր զինվորական ծառայությունից պայմանագրային զինծառայության անցման նոր համակարգ։ Պաշտպանության նախարար Սուրեն Պապիկյանը կառավարության նիստում ներկայացրեց «Պաշտպան հայրենյաց» կոչվող ծրագիրը։Թեմայի շուրջ «Առաջին լրատվական»-ը զրուցել է «Մարտական եղբայրություն» միաբանության անդամներ Մասիս Շիրոյանի ու Հովսեփ Ղազարյանի հետ:
Շիրոյանի խոսքով` եթե ատեստավորումը ՊՆ-ն պետք է անցկացնի, հնարավոր է էֆեկտիվ չլինի. «Հիմա մենք ինչ գնով ենք փոխում բանակը` պաշտպանողական, թե հարձակվողական: Աշխարհում նման նախադեպ չկա, որ տարածքները հետ բերես դիվանագիտական ճանապարհով: Փափուկ բարձ չպետք է դնենք` տարածքները դիվանագիտական ճանապարհով հետ չի բերվում»:
Ղազարյանն էլ կարծում է, որ պադավատ ու սիրուհիներ ունեցող բանակի վերնախավը վերափոխվելու կարիք չունի. «Այս պրոցեսը տապալված է, եթե դրվում է մեր սպայակազմի հրամանատարության տակ: Պետությունը չի կարողանում սեփական զինվորին պատրաստի, ուր մնաց աշխարհազոր ձևավորի»:
