Ֆուտբոլի աշխարհի առաջնության երկրորդ տուրում, B ենթախմբում ընդգրկված Իրանը գերդրամատիկ պայքարում 2։0 հաշվով առավելության հասավ Ուելսի նկատմամբ։ Պատմության մեջ առաջին անգամ մեր հարևան երկրի հավաքականը աշխարհի առաջնության եզրափակիչ փուլերում հաղթեց եվրոպական հավաքականի: 86-րդ րոպեին վերջին հույսի խախտման համար դաշտից հեռացվեց Ուելսի դարպասապահ Ուեյն Հենեսին։
98-րդ րոպեին Իրանի հավաքականի կազմում հաշիվը բացեց Ռուզբեh Չեշմին, իսկ մրցավարի ավելացրած 12-րդ րոպեին Իրանի երկրորդ գոլը խփեց Ռամին Ռեզայանը։
Այս հաղթանակի շնորհիվ Իրանը լուրջ հայտ ներկայացրեց պատմության մեջ առաջին անգամ աշխարհի առաջնության 1/8-րդ եզրափակիչ դուրս գալու։ Եթե այսօր ԱՄՆ-ի հավաքականը չհաղթի Անգլիային, ապա վերջին տուրում Իրանին բաղձալի արդյունքի հասնելու համար կբավարարի նույնիսկ ոչ-ոքի արդյունքը ամերիկացիների հետ։ Հիշեցնենք, որ առաջին տուրում Իրանը 2։6 հաշվով զիջել էր Անգլիային, իսկ Ուելս-ԱՄՆ հանդիպումն ավարտվել էր ոչ-ոքի 1։1 հաշվով։