Հայաստանում ՌԴ դեսպան Սերգեյ Կոպիրկինն այսօր ԵՊՀ պատմության ֆակուլտետի նիստերի դահլիճում մասնակցեց «Ծովակալ Իսակով» ֆիլմի կինոդիտումը։
Միջոցառումից հետո ՌԴ դեսպանը կարճ արձագանքեց «Առաջին լրատվական»-ի հարցին, թե ի՞նչ դիտարկումներ ունի Հայաստանում անցկացված ՀԱՊԿ գագաթաժողովի, ինչպես նաև Փաշինյանի որոշման մասին՝ չստորագրել «ՀԱՊԿ Հավաքական անվտանգության խորհրդի հռչակագրի և Հայաստանի Հանրապետությանը օժանդակություն ցուցաբերելու համատեղ միջոցառումների մասին» նախագիծը․ «Ընդհանուր առմամբ դրական կարծիք ունեմ գագաթաժողովի մասին։ Գիտեք՝ այս պահին պատրաստ չեմ մեկնաբանել, բայց վարչապետը հաջորդ օրը կառավարության նիստի ժամանակ դրական գնահատեց ՀԱՊԿ նիստի շրջանակներում անցկացված աշխատանքը։ Պետք է նաև ասեմ, որ մեր նախագահը՝ Վլադիմիր Վլադիմիրովիչ Պուտինը միանգամայն դրական է գնահատել Հայաստանի աշխատանքը՝ որպես ՀԱՊԿ նախագահող։ Ավելացնելու բան չունեմ»։
Մանրամասները՝ տեսանյութում