Ֆուտբոլի աշխարհի առաջնության առաջին տուրում, գլխավոր ֆավորիտներից Պուտուգալիայի հավաքականի Կրիշտիանու Ռոլանդուի գլխավորությամբ դրամատիկ պայքարում՝ 3։2 հաշվով առավելության հասավ Գանայի նկատմամբ։ 31-րդ րոպեին Ռոնալդուն իր իսկ վաստակած 11 մետրանոցից բացեց հաշիվը։ 73-րդ րոպեին պատասխան գոլը խփեց Գանայի ավագ և առաջատար Անդրե Այուն։ 78-րդ րոպեին Պորտուգալիայի հավաքականին հաշվի մեջ առաջ մղեղ Ժոաու Ֆելիշը, իսկ երկու րոպե անց 2 րոպե անց աչքի ընկավ փոխարինման մտած Ռաֆայել Լեաուն։ 88-րդ րոպեին, Ռոնալդուի փոխարինվելուց 1 րոպե անց պորտուգալացիները եւս մեկ գոլ բաց թողեցին։ Աչքի ընավ փոխարինման դուրս եկած ևս մեկ ֆուտբոլիստ Օսման Բուկարին։ Պորտուգալիա-Գանա հանդիպումը գրավիչ և դինամիկ լինելուց զատ նշանավորվեց բացառիկ ռեկորդով, որը սահմանեց Ռոնալդուն։ Վերջինս դարձավ պատմության առաջին ֆուտբոլիստը, որը գոլ է խփել 5 աշխարհի առաջնություններում անընդմեջ: 37-ամյա կենդանի լեգենդն աչքի է ընկել իր մասնակցությամբ բոլոր Մունդիալներում՝ ԱԱ-2006, ԱԱ-2010, ԱԱ-2014, ԱԱ-2014 և ԱԱ-2022: Այսպիսով, Ռոլանդուն գերազանցեց արգենտինացի Լիոնել Մեսիին, Գերմանիայի հավաքականի նախկին ռմբարկու Միրոսլավ Կլոզեին, նրա հայրենակից Ուվե Զելերին և վերջապես 20-րդ դարի լավագույն ֆուտբոլիստ Պելեին։ Նրանք աչքի են ընկել 4 աշխարհի առաջնություններում անընդմեջ։
«Սա անկրկնելի պահ է իմ կարիերայում, գոլ՝ իմ 5-րդ աշխարհի առաջնությունում։ Մենք հաղթեցինք և լավ սկսեցինք մրցաշարը։ Շատ կարևոր հաղթանակ էր։ Գիտենք, որ այսպիսի մրցաշարերում առանցքային է հաղթանակով մեկնարկելը։ Այո, ևս մեկ ռեկորդ։ Ես միակն եմ, ով գոլ է խփել 5 անընդմեջ Մունդիալներում և հպարտ եմ դրանով։ Ես ուրախ եմ, որ թիմը հիանալի ֆուտբոլ ցուցարդրեց», – Գանայի դեմ մրցավեճից հետո ասել է Ռոնալդուն։Վերջինիս ռեկորդը բացառիկ է նրանով, որ առաջիկա տարիների տեսադաշտում գտնվող ֆուտբոլիստներից ոչ-ոք չի կարող գերազանցել այն։ Հատկանշական է, որ պորտուգալացին իր հաջողությունը նշել է մարզադաշտում կախված Լիոնել Մեսիի նկարով պաստառի մոտ։ Միջազգային մամուլն արդեն իսկ արձանագրել է, որ Ռոլանդուն Մեսիի նկատմամբ տարած այս հաղթանակը միտումնավոր է նշել ցուցապաստառի մոտ։ Այս ցուցանիշով Մեսին Ռոլանդուին հավասարվելու թերևս տեսական հնարավորություն ունի։ Մեսին պետք է 39 տարեկան հասակում մասնակցի 2026 թվականին ԱՄՆ-ում կայանալիք աշխարհի առաջնությանը և դառնա գոլի հեղինակ։ Նշենք սակայն, որ թե Մեսին և թե 37 ամյա Ռոլանդուն հայտարարել են, որ ընթացիկ աշխարհի առաջնությունը վերջինն է լինելու իրենց կարիերայում։
Ի՞նչպես կպատասխանի Մեսին Ռոլանդուին։ Նշենք, որ վերջին տասնամկայի աշխարհի լավագույն ֆուտբոլիստներից և ոչ մեկին չի հաջողվել նվաճել Մունդիալի գավաթը։ Հետևաբար Կատարի աշխարհի առաջնությունը կարելի է համարել կենդանի լեգենդների վերջին հնարավորությունն ու դիմակայությունը։ Այս ֆուտբոլիստների հակամարտությունը վերջին տարիների համաշխարհային ֆուտբոլի գլխավոր ինտրիգներից կարելի է համարել։ Հիշեցնենք, որ Մեսին այս առաջնությունում ևս գոլի հեղինակ է դարձել առաջին տուրում։ Ինչպես Ռոնալդուն, այդպես էլ Մեսին աչքի էր ընկել 11 մետրանոցից։ Ի տարբերություն Պորտուգլիայի, Արգենտինան խայտառակ պարտություն էր կրել 1։2 հաշվով զիջելով Սաուդյան Արաբիային։ Վաղը արգենտինացիները մրցելու են Մեքսիկայի հետ։
Պարտության դեպքում Մեսին և խաղընկերները դուրս կմնան հետագա պայքարից։ Այսօր հայտնի դարձավ որ կարևորագույն խաղին ընդառաջ Մեսին չի մարզվել թիմի ընդհանուր խմբում ։Ըստ աղբյուրի՝ ֆուտբոլիստն առանձին է մարզվել և կենտրոնացել է վերականգնողական վարժությունների վրա։ Նա ձախ ոտքի մկանային խնդիրներ ունի։ Չնայած այս իրավիճակին, Մեսին պատրաստ է մասնակցել վաղվա հանդիպմանը։ Առաջին խաղում Մեքսիկան ոչ-ոքի 0։0 էր խաղացել Լեհաստանի հետ։ Վերջինս երկրորդ տուրում մրցելու է Սաուդյան Արաբիայի հետ։