Saturday, 26 11 2022
01:00
Մունդիալ-2022․ Արգենտինան հաղթեց Մեքսիկային
Թուրքիայի պաշտպանության նախարարը շտապ խորհրդակցություն է հրավիրել
Կատարից 10 միլիարդ դոլար Թուրքիային. Reuters
Ադրբեջանի ՊՆ-ին չի բավարարել ՌԴ ՊՆ հայտարարությունը
Քննարկվել են տեսչական մարմինների գործունեությանը վերաբերող հարցեր
Լիբանանի քաղաքացիները Խանջյան փողոցում ծեծկռտուք են կազմակերպել
Ադրբեջանի ԶՈւ-ն կրակ է բացել հայկական դիրքերի ուղղությամբ․ ՀՀ ՊՆ
Վրաստանը 2022թ. հունվար-հոկտեմբերին 600 միլիոն դոլարի ավտոմեքենա է վերաարտահանել
Թուրքիան ցանկանում է ռուսական ցորենից ալյուր արտադրել
22:15
Նորվեգիան 195 մլն դոլար է հատկացնում Ուկրաինային
Բաքուն միջանցքը ներկայացնում է որպես մեգածրագրերի մաս, մինչդեռ այն ռուս-ադրբեջանական նախագիծ է
21:58
Մունդիալ-2022․ Մբապեի դուբլը Ֆրանսիային դուրս բերեց 1/8-րդ եզրափակիչ
Մասկը հայտնել է, թե երբ կթողարկի իր սմարթֆոնը
Կառավարությունը չի ուզում պառակտում առաջացնել, որևէ արտառոց բան չկա  
21:30
ՆԱՍԱ-ն ցույց է տվել, թե ինչպիսի տեսք ունի Ուկրաինան հոսանքազրկման ժամանակ
Ապրել «կարմիր գայլախտով», բայց լուսավոր մտքերով
ՀԱՊԿ-ի «նավերը» չեն բարձրանա մեր լեռները․ «Գոդոյին սպասելիս»
Հայաստանում ապաստան ստանալու 700 խնդրագիր է ստացվել
20:30
Ջենիֆեր Լոպեսը հայտնել է նոր ձայնասկավառակ թողարկելու մասին
Գանձաքար-Բերդ ավտոճանապարհին բեռնատարն ընկել է ձորը. վարորդը մահացել է
20:00
ԱՀԿ-ն կոչ է արել հարմարեցնել Covid-ի ռազմավարությունը երկրների կոնկրետ իրավիճակին
19:58
Մունդիալ-2022․ Լեհաստանը կարևոր հաղթանակ տարավ
Տոյվո Կլաարն Ադրբեջանում է
19:30
Վախճանվել է Բելառուսի ԱԳ նախարարը
Ալիևի հոխորտանքների պատճառն այն է, որ Իրանը շատ համբերատար եղավ․ եթե Մոսկվան չհերքի՝ ուրեմն միջանցքը հենց իր նախագիծն է
19:00
Ֆուտբոլի աշխարհի առաջնություն օր 6
Թուրքիայում վթարի է ենթարկվել մարդատար ավտոբուս
18:30
Ռուսական հրթիռները Կիևը թողել են մթության մեջ
18:15
Բելգիայի վարչապետը ժամանել է Կիև
Չկա երաշխիք, որ ՌԴ հակազդեցությանը հանդիման կստանանք Արևմուտքի աջակցությունը

Քաղհասարակությունը պահանջում է ՀՀ նախագահից Մնացական Մարտիրոսյանի թեկնածությունը առարկություններով վերադարձնել ԲԴԽ-ին

Բարձրագույն դատական խորհրդի կողմից կոռուպցիոն հանցագործությունների քննություն իրականացնող դատավորի ընտրության վերաբերյալ
2022 թվականի նոյեմբերի 21-ին Բարձրագույն դատական խորհրդի կողմից կոռուպցիոն հանցագործությունների քննություն իրականացնող դատավորների կազմում ընդգրկվելու համար հարցազրույցի փուլին մասնակցող 2 թեկնածուից դատավոր է ընտրվել է Մնացական Մարտիրոսյանը՝ 6 կողմ, 3 դեմ ձայնով:

Մենք՝ ներքոստորագրյալ քաղաքացիական հասարակության կազմակերպություններս, խիստ անընդունելի և դատապարտելի ենք համարում Բարձրագույն դատական խորհրդի կողմից կոռուպցիոն հանցագործությունների քննության իրականացնող դատավորների կազմում դատավոր Մնացական Մարտիրոսյանի ընտրությունը:

Մնացական Մարտիրոսյանը հայտնի է որպես քաղաքական հնչեղ գործերով ներգրավված դատավոր, ում դատավճիռներով դատապարտվել են քաղաքական բանտարկյալներ, որոնց թվում են՝ 2008թ. մարտի 1-ից հետո «7»-ի գործով դատապարտված Ալեքսանդր Արզումանյանը, Նիկոլ Փաշինյանը և այլ անձինք: 2006թ.-ին Մնացական Մարտիրոսյանի վճռով է ազատազրկման դատապարտվել ընդդիմադիր գործունեություն իրականացնող, այդ ժամանակ «Ժամանակ» թերթի գլխավոր խմբագիր Արման Բաբաջանյանը, 2007թ.-ին Ժիրայր Սեֆիլյանը, 2017թ.-ին Գևորգ Սաֆարյանը և այլ անձինք: Մնացական Մարտիրոսյանը քննել է նաև 2001թ. Պողոս Պողոսյանի սպանության դեպքի վերաբերյալ քրեական գործը:

Մարդու իրավունքների եվրոպական դատարանի վճիռներով հաստատվել են հիմնարար իրավունքների խախտումները և քաղաքական հետապնդման փաստը, որոնց արդյունքում նրանցից ոմանք տարիներ անց արդարացվել են Հայաստանի Հանրապետության դատարանների կողմից:

Այս համատեքստում Մնացական Մարտիրոսյանի՝ բացառապես քաղաքական կլանային շահերին սպասարկող գործունեությունը խաթարել է ոչ միայն արդարադատության ընկալումը ու վնասել Հայաստանի դատական իշխանության հեղինակությունն ու հանրային վստահությունը, այլև նյութական վնաս է պատճառել Հայաստանի Հանրապետությանը: Բարձրագույն դատական խորհրդի անդամների կողմից նման վարկանիշ ունեցող դատավորին հակակոռուպցիոն դատարանի դատավորի պաշտոնում ընտրելը խեղաթյուրում է պետության հակակոռուպցիոն քաղաքականությունը և խորացնում է դատական համակարգի նկատմամբ տիրող անվստահությունը։

Նման ընտրությունը ուղղակիորեն հակասում է 2018 թվականի Թավշյա հեղափոխության արժեքներին ու արժեքային ընտրությանը՝ հաշվի առնելով, որ Հայաստանում համաժողովրդական շարժումը արդարադատության արատավոր բարքերի, կոռուպցիայի և հալածանքների դեմ էր։ Նմանատիպ ընտրությունը դեմ է Հայաստանի ժողովրդավարեցման օրակարգին և հետևանք է Հայաստանի Հանրապետության իշխանության կողմից վեթինգի ու անցումային արդարադատության տապալման, որոնց իրականացման անհրաժեշտությունը բազմիցս բարձրաձայնվել և հիմնավորվել է քաղաքացիական հասարակության և իրավաբանական համայնքի ներկայացուցիչների կողմից:

Ժողովրդավարության զարգացումը Հայաստանում մեր քաղաքական կապիտալն է, որի շնորհիվ է նաև, որ մի շարք արևմտյան երկրներ և կառույցներ ներգրավվում են Հայաստանի անվտանգության հարցերում: Դրա բացակայության պայմաններում խնդիրներ ենք ստեղծում նաև մեր երկրի անվտանգության շուրջ:

Սույնով նաև ստիպված ենք արձանագրել, որ Բարձրագույն Դատական Խորհուրդը ամբողջությամբ անտեսում է Կոռուպցիայի կանխարգելման հանձնաժողովի ու իր իսկ կողմից որպես ազգային փորձագետ ներգրավված «Իրազեկ քաղաքացիների միավորման» ներկայացուցչի` թեկնածուների բարեվարքության եզրակացությունները։ Բարեվարքության բացասական եզրակացություն ստացած թեկնածուի նշանակումը վկայում է ԲԴԽ անդամների մեծամասնության կողմից հակակոռուպցիոն այդ կարևոր գործիքի անտեսման մասին:

Մնացական Մարտիրոսյանի վերջնական նշանակման պարագայում ստիպված կլինենք վերագնահատել բարեվարքության ստուգման գործընթացում քաղաքացիական հասարակության, ի դեմս «Իրազեկ քաղաքացիների միավորման», ներկայացուցչի մասնակցությունը։

Հիմք ընդունելով վերոգրյալը՝ խստորեն դատապարտում ենք Բարձրագույն դատական խորհրդի կողմից Մնացական Մարտիրոսյանի հակակոռուպցիոն դատարանի դատավորի պաշտոնում ընտրությունը:

Այդ նպատակով պահանջում ենք Հանրապետության Նախագահ Վահագն Խաչատուրյանից չնշանակել Մնացական Մարտիրոսյանին կոռուպցիոն հանցագործություններ քննող դատավորի պաշտոնում և նրա թեկնածությունը առարկություններով վերադարձնել Բարձրագույն դատական խորհրդին:

«Իրավունքների պաշտպանություն առանց սահմանների» ՀԿ

Թրանսփարենսի Ինթերնեշնլ հակակոռուպցիոն կենտրոն

Հելսինկյան քաղաքացիական ասամբելայի Վանաձորի գրասենյակ

Բաց Հասարակության Հիմնադրամներ – Հայաստան

Ժուռնալիստների «Ասպարեզ» ակումբ

Իրավունքի զարգացման և պաշտպանության հիմնադրամ

«Իրազեկ քաղաքացիների միավորում» ՀԿ

«Հանուն հավասար իրավունքների» ՀԿ

Բաժիններ
Ուղիղ
Լրահոս
Որոնում