ՀԱՊԿ գագաթնաժողովին օրակարգային հարցերից մեկը կլինի պատերազմը Ուկրաինայում և հետևանքները ՀԱՊԿ անդամ եկրների վրա: «Առաջին լրատվական»-ի հետ զրույցում նշեց Երևանի մամուլի ակումբի նախագահ Բորիս Նավասարդյանը:
Նրա խոսքով` Հայաստանի համար կարևոր է, որ պարտավորված չզգանք ինչ-որ գործողություն կատարել:
Նավասարդյանը չի կարծում` ՀԱՊԿ գագաթնաժողովից միջազգային հանրության մոտ բացասական նստվածք կմնա. «Հայաստանը ՀԱՊԿ-ում որևէ բարեկամ չունի, որևէ ռազմական աջակցություն չենք կարող ունենալ: Հայաստանը այնպիսի ծանր վիճակում էր, որ անվտանգության այլ երաշխիքներ տարիների ընթացքում չէր փնտրում: ՀԱՊԿ երկրները Ադրբեջանի վրա ազդելու որոշ դիվանագիտական լծակներ ունեն:ՀԱՊԿ-ը Ադրբեջանի վրա ազդելու լծակներ ունի. Հայաստանն այն իրավիճակում չէ, որ համեստ հնարավորությունները արհամարհի»:
