«Առաջին լրատվական»-ը հարցախույզ է արել Երևանի փողոցներում՝ պարզելու, թե մեր համաքաղաքացիները ինչ վերաբերմունք ունեն ՀԱՊԿ-ի վերաբերյալ, արդյոք անհրաժեշտ են համարում դուրս գալ այդ կառույցից, թե ոչ:
«Նպատակահարմար և արդյունավետ չէ ՀԱՊԿ-ի հետ համագործակցելը: Այդ կառույցի գործունեության ընթացքում չեմ տեսել արդյունավետ աշխատանք մեր երկրի համար պաշտպանության բնագավառում»,-ասաց երևանցիներից մեկը:
Մեկ ուրիշն էլ ասաց. «Չեմ կարող ասել, որ ՀԱՊԿ-ից է լավ հոտ գալիս, ոչ էլ Եվրոպայից: Հայաստանին որևէ բանի անդամ չեն էլ թողնի մնա, տանջելու են այնքան, մինչև ինքն իրենով մահանա»:
Երևանցի մի կին էլ նկատեց, որ եթե ՀԱՊԿ-ը կարողացավ կանգնեցնել Ղազախստանի պես մեծ երկրում խժդժությունները, Հայաստանում դա անելը շատ ավելի հեշտ էր, սակայն չարեց:
«Հայաստանը պետք է դուրս գա ՀԱՊԿ-ից, եթե մի տեղից օգուտ չկա, պետք է դուրս գա: Ոչ մի լավ բան չկա ՀԱՊԿ-ից»,-ասաց մեկ ուրիշ երևանցի:
