Հիմա Ռուսաստանը շատ հարցերում գնում է Թուրքիայի հետքերով, և բնականաբար, ստիպված է զիջումներ անել Թուրքիային: Այս մասին «Առաջին լրատվական»-ի հետ զրույցում նշեց «Կոմերսանտ» թերթի թղթակից Կիրիլ Կրիվոշեևը:
«Ես չգիտեմ՝ Էրդողանը համաձայնեցրել է Սիրիայում իր գործողությունը Պուտինի հետ, թե ոչ, բայց այստեղ կարելի է միայն ասել, որ Ռուսաստանն այսօր այն վիճակում չէ, որ դիմադրի Թուրքիայի կամքին: Ռուսաստանը շատ է կախված Թուրքիայից, առաջին հերթին կախված է հենց Էրդողանից: Եթե առաջ կարող էինք քննարկել՝ ցանկանում է Ռուսաստանը, թե չի ցանկանում, որ Էրդողանը պարտվի ընտրություններում, ինչպես դա եղավ 2018-ին, երբ թուրքական ընդդիմությունն ակնարկում էր Ռուսաստանին, որ ի տարբերություն Էրդողանի, ինքը պատրաստ է խոսել Ասադի հետ, և ավելի լավ կլինի, որ իրենք հաղթեն ընտրություններում, սակայն Մոսկվան նախընտրեց Էրդողանին, որին սովոր էր, հիմա կարող ենք հստակ ասել, որ Էրդողանի պարտությունը Ռուսաստանի համար մեծ հարված կլինի: Հետևաբար, Մոսկվան պատրաստ է Էրդողանին շատ բան ներել: Էրդողանի հաղթանակը Ռուսատսանի համար չափազանց կարևոր է»,-ասաց նա: