Այսօր ժամը 20։30-ին ֆուտբոլի Հայաստանի ազգային հավաքականը 2022 թվականի վերջին հանդիպումը կանացկացնի Տիրանայում հյուրընկալվելով Ալբանիայի ընտրանուն։ Հիշեցնենք, որ երեք օր առաջ Հայաստանի ազգային թիմը Պրիշտինայում ոչ-ոքի 2։2 էր խաղացել Կոսովոյի հետ։ Մեր հավաքականը մոտ էր հաղթանակին, սակայն մրցավարի ավելացրած 3-րդ րոպեին դաշտի տերերին հաջողվել էր գրավել Ստանիսլավ Բուչնևի դարպասը և խուսափել պարտությունից։ Ի տարբերություն Կոսովոյի Ալբանիան կարգով մի քանի անգամ ավելի բարձր է և այսօրվա խաղին ներկայանալու է մարտական կազմով։ Վերջին 10 հանդիպումներում ալբանացիներին չի հաջողվել հաղթել, ուստի այսօր երեկոյան դաշտի տերերը ամեն գնով փորձելու են հաղթանակի հասնել։
Չհաղթելու դեպքում Ալբանիայի ֆուտբոլի ֆեդերացիան հնարավոր է պաշտոնանակ անի 77-ամյա իտալացի գլխավոր մարզիչ Էդուարդո Ռեյային։ Ինչև, փորձենք հասկանալ ինչ մարտավարությամբ այսօր կպայքարի Հայաստանի հավաքականի գլխավոր մարզչի պաշտոնակատար Ռոման Բերեզովսկին և ինչպիսի մեկնարկային կազմով մերոնք կսկսեն խաղը։ Կոսովոյի դեմ Հայաստանի հավաքականը խաղաց 4-3-3 հարձակվողական մարտավարությամբ։ Հաշվի առնելով Ալբանիայի կարգով ավելի բարձր լինելը հավանական ենք համարում, որ Հայաստանը խաղա 4-2-3-1 մարտավարությամբ։ Այսինքն ավելի ուժեղ մրցակցի դեմ Բերեզովսկին կարծում ենք կնախընտրի պայքարել երկու նոմինալ հենակետային կիսապաշտպաններով։ «Առաջին լրատվական»-ի վարկածով դրապասում կլինի Ստանիսլավ Բուչնևը, իսկ պաշտպանության կենտրոնում թիմի ավագ Վարազդատ Հարոյանի կողքին տեսնում ենք Հրայր Մկոյանին։ Փորձառու կենտրոնականների այս զույգը կարծում ենք լավագույն տարբերակն է Ալբանիայի կենտրոնաան հարձակվող, Լոնդոնի «Չելսին» ներկայացնող Արմանդո Բրոյային դիմակայելու։ Պաշտպանության ձախ եզրում կգործի Կամո Հովհաննիսյանը, իսկ աջ եզրում՝ Հակոբ Հակոբյանը։ Այս ֆուտբոլիստները արդյունավետ խաղով աչքի ընկան Կոսովոյի դեմ մրցավեճում։ Չի բացավռում, որ Հայաստանի հավաքականի կազմում տեսնենք հոլանդական «Գո Ըհեդ Իգլսի» եզրային պաշտպան Ավետիս Ավետիսյանին։
Վերջինս ելութ է ունեցել Հունաստանի Մ-19 հավաքականի կազմում և ՖԻՖԱ-ի կողմից նրա Հայաստանի ազգային հավաքականում խաղալու որոշումը Հայաստանի ֆուտբոլի ֆեդերացիան Կոսվոյի դեմ խաղից առաջ չէր ստացել։ Եթե Ավետիսյանի փաստաթղթային հարցերը մինչև Ալբանիայի դեմ խաղը կարգավորվեն, ապա Ռոման Բերեզովսկին նրան անպայման խաղաժամանակ կհատկացնի։ Հենակետային դիրքում տեսնում ենք Արտակ Գրիգորյանին և Արտակ Դաշյանին։ Կիսպաշտպանության աջ եզրում էլ տեսնում ենք Վահան Բիչախչյանին, իսկ ձախ եզրում՝ Ժիրայր Շաղոյանին։ Ենթահարձակվող դիրքում կարող է խաղալ Վլադիկավկազի «Ալանիայի» կիսապաշտպան Արթուր Գալոյանը։ Վերջինս Կոսվոյի դեմ խաղը բաց էր թողել չվերթների հետ ծագած խնդրի պատճառով։
Հարձակման կրակագծում կարող է գործել Էդգար Բաբայանը։ Սա թերևս մեր հավաքականի օպտիմալ կազմն է։ Չի բացառվում, որ կապված թեթև վնասվածքների հետ Բերեզովսկին ստիպված լինի դիմել հարկադրված որոշումների։ Կարծում ենք պարզ է, որ հաշվի առենլով մրցակցի կարգն ու տրամադրվածությունը մեր մարզիչը փորձելու է խաղը կսկել հնարավարինս ուժեղ կազմով։
