Հայաստանի քննչական կոմիտեի Կոտայքի մարզային քննչական վարչության Չարենցավանի քննչական բաժնում նախաձեռնվել է վարույթ՝ նոյեմբերի 15-ին Կոտայքի մարզում տեղի ունեցած ավտովթարի փաստով։ Այդ օրը, ժամը 14։10-ի սահմաններում Կոտայքի մարզի բնակիչ՝ 31-ամյա Վահան Ս-ն իր վարած Volkswagen մակնիշի ավտոմեքենայով Չարենցավան քաղաքում՝ ժողովրդին հայտնի «Սերվիսի խաչմերուկում» դուրս է եկել երթեևեկելի գոտուց և ընկել ճամփեզրին առկա ձորակը։
Ինչպես հայտնում է ֆոտոլրագրող Գագիկ Շամշյանը, վթարի հետևանքով ուղևոր՝ Կոտայքի մարզի բնակիչ, 32-ամյա Հ. Հ-ն մարմնական վնասվածքով տեղափոխվել է «Չարենցավան ԲԿ։ Դեպքի վայր են ժամանել Արտակարգ իրավիճակների նախարարության Փրկարար ծառայության Չարենցավանի հրշեջ փրկարարական ջոկատից 1 մարտական հաշվարկ։
Հրշեջ-փրկարարները հոսանքազրկել են ավտոմեքենան, փակել գազաբալոնն ու սահմանազատել տարածքը։
Ժամանել են նաև Ճանապարհային ոստիկանության 2-րդ սպայական գումարտակի 3-րդ վաշտի 2-րդ դասակի ծառայողները՝ վաշտի հրամանատար Արթուր Պետրոսյանի, դասակի հրամանատար Սարգիս Բագրատյանի գլխավորությամբ։