«Լիկուդ» կուսակցության առաջնորդ Բենիամին Նաթանյահուն առաջիկա կիրակի օրը երկրի նախագահ Իցհակ Հերցոգից կստանա երկրի նոր կառավարության ձեւավորման մանդատը: Այդ մասին նոյեմբերի 11-ին հաղորդել Է ԿԱՆ պետական հեռուստառադիոընկերությունը:
«Հանձնարարությունների փուլն ավարտվել Է: Նախագահը կառավարության ձեւավորումը Նաթանյահուին կվստահի կիրակի օրը»,-ասվում Է հրապարակման մեջ:
Իսրայելի ԿԸՀ-ն նոյեմբերի 3-ին հաղորդել Է ձայների հաշվումն ավարտելու մասին, որոնք տրվել են Կնեսետի ընտրություններում. դրանց արդյունքներով՝ նախկին վարչապետ Նաթանյահուի բլոկն ստացել Է խորհրդարանական մեծամասնություն (64 ձայն):
Այսպիսով, Նաթանյահուն կարող Է ձեւավորել աջ-կրոնական կոալիցիա՝ իր ավանդական գործընկերների հետ, որոնք հենվում են 64 պատգամավորական ձայներով խորհրդարանական մեծամասնության վրա, նրա հակառակորդների բլոկն ունի 46 ձայն, եւս 10-ը՝ արաբական կուսակցությունները: Իսրայելի ԿԸՀ-ի նախագահ դատավոր Իցհակ Ամիթը Հերցոգին ներկայացրել Է Կնեսետում ընտրությունների եզրափակիչ արդյունքները:
Նոյեմբերի 9-ի ցերեկը Հերցոգը կուսակցությունների ղեկավարների հետ կոնսուլտացիաներ Է սկսել կառավարության ձեւավորման շուրջ՝ ամփոփելով 25-րդ գումարման Կնեսետի ընտրությունների արդյունքները, հաղորդել Է ՌԻԱ Նովոստին:
