Իրանի արտաքին գործերի նախարարության խոսնակ Նասեր Քանաանին ասել է, որ կովկասյան տարածաշրջանում հակամարտությունների կարգավորման ճանապարհը ոչ թե անդրտարածաշրջանային միջամտության կարիք ունի, այլ պետք է հիմնվի տարածաշրջանի երկրների համագործակցության վրա։
Անդրադառնալով Հայաստանին Իրանի աջակցության վերաբերյալ Ադրբեջանի նախագահի վերջին հայտարարություններին՝ Քանաանին ասել է, որ «Իրանը ևս մեկ անգամ հայտարարում է իր պատրաստակամության մասին՝ աջակցելու իր հյուսիսային հարևանների միջև առկա խնդիրների լուծմանը երկկողմ, եռակողմ և վեցակողմ տարածաշրջանային շրջանակներում»:
Քանաանին կրկնել է, որ Իրանի հիմնարար դիվանագիտությունը հիմնված է բարիդրացիական հարաբերությունների և բոլոր հարևանների հետ բարեկամական հարաբերությունների ընդլայնման, ինչպես նաև յուրաքանչյուր հարևանի հետ կապերի ամրապնդման վրա, բայց դա չի նշանակում նման կապերն օգտագործել մեկ այլ հարևանի դեմ։