Այսօր լրանում է 44-օրյա պատերազմի հրադադարի երկրորդ տարելիցը: 2020 թվականի նոյեմբերի 9-ի թե ռազմա-քաղաքական, թե քաղաքական, թե զգայական, հուզական գնահատականների պակաս անցնող երկու տարվա ընթացքում չի եղել ու թերևս ասվել է ամեն ինչ, որևէ նոր խոսք այդ իմաստով լինելու է բազմիցս ասվածի կրկնություն, ինչ տեսանկյունից էլ հնչի այն:Թեմայի շուրջ «Առաջին լրատվական»-ը զրուցել է «Մարտական եղբայրություն» միաբանության անդամներ Հովսեփ Ղազարյանի և Մասիս Շիրոյանի հետ:
Ըստ Շիրոյանի` մենք 2020-ի պատերազմից հետո անորոշության մեջ ենք, քաղաքական դաշտը ևս. «Նոյեմբերի 9-ի պատճառն այն է, որ հայկական բանակը չկարողացավ պահել Շուշին: Հադրութն ու Շուշին կոցրեցինք, փլվեց մեր ամեն ինչը, որովհետև որևէ ձևով պատրաստ չէինք»:
Հովսեփ Ղազարյանն էլ նկատեց` տարածաշրջանի ամենամարտունակ բանակը չկարողացավ լուծել իր առջև դրված խնդիրը. «Պատրանք է, թե տարածաշրջանում կունենանք երկարատև խաղաղություն. Սա եռացող տարածաշրջան է, պետք է անընդհատ պատրաստվել պատերազմի»:
